Pesalemo 18:45 - Tosi Tapu

⁴⁵ E lotou fakalogo kiate au i laku uluaki fakatotonu, E fakalapulapu kiate au a vosa o le matapule.

Pesalemo 18:45 ပူးပေါင်းရင်းမြစ်များ

Lua tosi a Samuele 8:2

Na taai foki e ia le kau Moape, ti na fakamomoe loa e ia latou ki le kele, kae fuafua loa e ia latou ki se maea ; ti na fuafua loa e ia ki le maea o tua lua ke tamate, kae na fuafua loa e ia ki le maea o tua tasi ke fakamauli. Ti na popula loa le kau Moape kia Tavite, o lotou totogi loa kiate ia se tukusau.

Lua tosi a Samuele 8:6

Na tuku loa e Tavite ni kau solia ke leo i Silia o Tamaso. Ti na popula loa le kau Silia kia Tavite, ti na lotou totogi loa kiate ia se tukusau. Na puipui e le Eteleno a Tavite i ganea fuli ala na ano a ia ki ai.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 81:16

E fakalai loa kiate ia latou ala e vesia ki le Eteleno, Ti e fualoa loa le manuia o Iselaele o lee gato ;

Esaia 24:4

Kua mamae le fenua, ti kua gaegae a ia ; Kua mamae le kakai ti kua masamasaki ; Kua sala makeke a pule o le kakai.

Mikea 7:17

E lotou epo loa le efu, ofaipe le gata, Ofaipe manu totolo o le kele ; E maua loa latou e le i, i tafa olatou kolo tau ; E lotou lulu loa i mua o le Eteleno, lotatou Atua ; E lotou i loa kiate koe.

Tetelonome 33:29

Manuia a koe, Iselaele ! Ko ai e tatau mo koe ? Ko se kakai na saofaki e le Eteleno, Leia ko le paletau e puipui ia a koe, Ti ko le seleta o lou kololia ? E leaise tuu loa ou fili i ou mua, Ti e ke takafi loa ki lou vae olatou ganea taualuga.

Sakopo 1:11

E fanake le laa mo lona vevela lasi, o fakagini le vao, ti na vilo lona se, ti na puli ai lona fulumalie. E tatau foki mo le tagata mou koloa, e puli loa a ia i loto malie o ana gaoi fuli.

Apokalipisi 6:16

Ti na lotou pati loa ki mauga mo utu : kotou vivilo mai kia matou, o fufu matou mei mata o leia e ekeeke i le ekeekeaga fakasau, ti mei le sausau o le Akeno ;