Pesalemo 18:28 - Tosi Tapu

²⁸ E ke fakamauli le kakai leia e fakataulalo, Ti e ke tuku ki lalo a mata fia nealasi.

Pesalemo 18:28 ပူးပေါင်းရင်းမြစ်များ

Lua tosi a Samuele 22:29

Io, ko koe ko loku malama, ei Eteleno ! E fakamalamai e le Eteleno oku fakapouli.

Uluaki tosi o Sau 11:36

kae kau tuku loa se faasiga e tasi ki lona vosa, o tupu ke maua tuumau e Tavite, laku tagata fakasausau, sona sakoga ke sau i oku mua i Selusalemi, le kolo leia kua kau filifili ke tuku ai loku suafa.

Uluaki tosi o Sau 15:4

Kae logo ai na soli loa kiate ia se fa malama i Selusalemi e le Eteleno, lona Atua, o tupu ko Tavite, o fakanofo lona vosa ke fetogi ia a ia, ti mo tuku ke tuu mau Selusalemi.

Sopo 18:6

E fakapouli loa le malama i lona falela, Ti e mate loa lona malama i ona aluga.

Sopo 29:3

Ki le temi leia na mu ai lona malama i loku fa ulu, Ti na taki ai au e lona malama i le fakapouli !

Pesalemo 112:4

E sopo le malama i le fakapouli ki le kau agatonu, Ki leia e manava alofa, mo loto alofa, ti mo faitotonu.

Pesalemo 132:17

I Sione, e kau lagai loa ki aluga le mafimafi o Tavite, E kau teuteui loa se fa malama ki loku filifiliia,

Taagapati 20:27

Ko le tukumanava o le tagata ko se malama o le Eteleno ; E ulu a ia o kaku ki takele o tootooga.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 62:1

I loku alofa ki Sione e leaise kau fakalologo loa, I loku alofa ki Selusalemi e leaise kau malolo loa, O kaku ki le sa o lona fakamauli, ofaipe le mafoata, Ti mo lona saofaki, ofaipe se taume leia e ulaula.

Mateo 4:16

Ko le kakai lena, na tonatona i le fakapouli, Kua tio ki se malama lasi ; Ti kua sopo le malama Kia latou ala na nonofo i le fenua ti mo le malu o le mate.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,