Pesalemo 18:14 - Tosi Tapu

¹⁴ Na mana loa le Eteleno i le lagi, Na fakagugulu loa e le Taualuga lona leo, O fakatasi mo se ua aisi ti mo ni malala kaka.

Pesalemo 18:14 ပူးပေါင်းရင်းမြစ်များ

Sopo 37:4

Ti sili a ia, e paa loa se gugulu lasi : E masau a ia i le mana ki lona leo mamalu ; E leaise toe taofi e ia le uila, mo ka gugulu lona leo.

Sopo 37:5

E masau fakamakeke a ia i le mana, Ti e tio tagata fuli ki lona fulumalie : Ko se milakulo lena e leaise feala ke matala ki ai.

Sopo 38:35

Pe ko koe leia e fakatapa ia a uila ? Pe lotou ano ? Pe lotou pati atu kiate koe : Ko leinei matou ?

Sopo 6:4

Talie kua kau pupu i gasau a le Mafimafi, Ti e inu e loku laumalie lona kona ; Kua tuu mai kiate au a nea fakaii fuli a le Atua.

Pesalemo 144:6

Fakatapa a uila, ti ke fakamavete oku fili ! Fana au gasau, ti ke lotou sosola !

Pesalemo 21:12

Na lotou fakakaukaui le veli kiate au, Na lotou fakatupu ni fakatuutuu veveli, kae e leaise lotou mafai ia loa se nea fua.

Pesalemo 29:3

E gugulu le leo o le Eteleno i aluga o atu vai. E fakagugulu e le Atua o le kololia le mana. E nofo le Eteleno i aluga o atu vai lalasi.

Pesalemo 29:7

E fakamapusipusi e le leo o le Eteleno ni ulai afi.

Pesalemo 77:17

Ei Atua, na tio a atu vai kiate koe ! Io, na tio a atu vai kiate koe, na lotou lulu ; Na galulu loa a vanu loloto.

Pesalemo 77:18

Na liligi loa e ao ni ua lalasi, Na gugulu loa le mana i ao, Ti na mafitifiti loa au gasau i potu fuli.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Soele 2:11

E fakagugulu e le Eteleno lona leo i mua o lana kau tau ; Talie e lasi ai lona nofolaga solia, Ti e makeke leia e fakasoko ia lana folafola ; Talie e lasi le aso o le Eteleno, e fakaii a ia : Ko ai e feala loa ke tuu i ai ?

Apakuki 3:11

I le malama o au gasau ala e lele, I mua o le tapa gigila o lau tao, E tutuu le laa mo le masina i ola nofoaga.

Numelo 24:8

Na fakamavae a ia e le Atua mei Esipito, Ti e fai a ia kiate ia pe le makeke o le pipi vao. E kai e ia a puleaga ala e malaga kiate ia, E gugu e ia olatou ivi, ti e tamate e ia latou ki ana gasau.

Tetelonome 32:23

E kau tanaki mai loa a malaia kia latou, E kau kaloloi loa ke oki aku gasau kia latou.

Tetelonome 32:42

E kai loa e laku seleta olatou kanofi, Ti e kau fakainu loa aku gasau ke konana i lolatou toto, Io i le toto o le kau lavevea mo le kau popula.

Sosue 10:10

Na veuki loa latou e le Eteleno i mua o fanau a Iselaele ; ti na tamate loa e Iselaele le kau Amole o lava veli ai i mua o Kapaone, ti na tuli loa e ia latou i le ala leia e pale ki Pete-Oloni, ti na tamate loa e ia latou o kaku ki Aseka mo Maketa.

Uluaki tosi a Samuele 2:10

E lulu loa a fili o le Eteleno ; E fakapa loa e ia lana mana kia latou mei le lagi ; E fakamaau loa e le Eteleno a potupotu o le kele. E soli loa e ia le makeke ki lona sau, Ti e lagai loa e ia le makeke o lana filifiliia.