Pesalemo 17:4 - Tosi Tapu

⁴ I le tio ki gaoi a tagata, e kau agatonu ki le folafola o ou laugutu, Ti e kau tokaga ki le ala o le kau agamakeke.

Pesalemo 17:4 ပူးပေါင်းရင်းမြစ်များ

Senesi 6:11

Na fakalialia le malama nei i mua o le Atua, ti na apele le malama nei i le agamakeke.

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Sopo 15:16

Ti e feaki ake loa le lasi o le fakalialia mo le kelekele o le tagata, Leia e inu ia le agasala ofaipe le vai ?

Sopo 31:33

Ti kapau, ofaipe tagata fuli, na kau fufu aku sala, Ti na kau kofu aku agaveli i loku manava,

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Mateo 4:4

Na tali loa Sesu : E tuu i le Tosi : E leaise mauli fua le tagata ki le pane, kae ki folafola fuli ala e au mei le gutu o le Atua.

Mateo 4:7

Na pati loa Sesu kiate ia : E tuu foki i le Tosi : E leaise ke asiasii loa le Aliki lou Atua.

Soane 17:17

Fakatapui latou ki le maoki, ko lau folafola ko le maoki.

Uluaki tosi ki le kau Kolinto 3:3

Talie koi maua ia koutou se finenonofo mo ni fefele, pe leaise kotou fakakanofi, pe leaise kotou saele o mulimuli ki le tagata ?

Efeso 6:17

ti kotou too foki le puloga tau o le fakamauli, mo le seleta a le Laumalie, leia ko le folafola a le Atua.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.

Apokalipisi 9:11

Ti na pule loa kia latou le aselo o le vanu, leia na igoa i le fakaepeleo ko Apatone, i le fakakeleka ko Apolione (maumau).

Uluaki tosi a Samuele 26:11

E mauli le Eteleno, ke mamao iate au laku fafa ki le filifiliia a le Eteleno ! Ta too fua le tao i ona fugaulu mo le fa vai, ti ta ano.

Uluaki tosi a Samuele 26:9

Kana pati loa Tavite kia Apisai : Aua na ke maumaui a ia ! talie ko ai leia e mafai ke falo lona lima ki le filifiliia a le Eteleno kae e leaise tautea loa a ia ?