Pesalemo 17:10 - Tosi Tapu

¹⁰ E lotou tapono olatou tootooga, E lotou maua i olatou gutu ni masau fia nealasi.

Pesalemo 17:10 ပူးပေါင်းရင်းမြစ်များ

Sopo 15:27

Na apele ona mata i le mauli, Ti na kalulu ona vakavaka i gako.

Pesalemo 119:70

E logo noa le loto ofaipe le gako ; Ko au, e kau maua oku fiafia i lau lao.

Pesalemo 123:4

Kua makona omatou laumalie I gologolo a le kau fia sa, i le vesia a le kau fia taualuga.

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Ekesote 15:9

Na pati le fili : E kau tuli loa, e kau maua loa, E kau vae loa le koloa o le fili ; E kau fakamakona loa loku fia lagavaka, E kau tosoi loa le seleta, ti e maumaui loa latou e loku lima.

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Mateo 13:15

Talie kua liliu o mate noa le mafu o le kakai leinei ; Kua lotou fakatulituli olatou taliga, ti kua lotou tapono olatou mata, O tupu ke aua na lotou tio ki olatou mata, Ke aua na lotou logo ki olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Gaoi 28:27

Talie kua liliu o fefeka le loto o le kakai lena ; Kua lotou fakatulituli olatou taliga, ti kua lotou tapono olatou mata, Ke aua na lotou tio i olatou mata, Ke aua na lotou logo i olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.