Pesalemo 16:10 - Tosi Tapu

¹⁰ Talie e leaise ke tuku loa loku laumalie ki le nofoaga o le kau mate, Ti e leaise ke fakataga loa ke tio lou alofaaga ki le pala.

Pesalemo 16:10 ပူးပေါင်းရင်းမြစ်များ

Sopo 11:8

E taualuga ake a ia i le lagi ; kolea loa le nea e ke fai ? E loloto ake a ia i le nofoaga o le kau mate ; kolea loa le nea e ke iloa ?

Pesalemo 139:8

Kapau e kau pale ki atu lagi, e ke nofo i ai ; Kapau e kau moe i le nofoaga o le kau mate, ko lena koe i ai.

Pesalemo 49:15

Ofaipe se kau manu, e tuku latou ki le nofoaga o le kau mate, E fai e le mate lana nea kai kia latou ; Ti e leaise tuvai e takatakafi latou e le kau agatonu, E puli loa lolatou fulumalie, ko lolatou nofoaga ko le nofoaga o le kau mate.

Pesalemo 9:17

E fakasa e le Eteleno lona anoaga totonu, e fakasa e ia lona faitotonu : E sai e ia le tagata agaveli ki le gaoi o ona lima. -Musika. -Manava.

Taagapati 15:11

E tuu i mua o le Eteleno le nofoaga o le kau mate mo le vanu loloto ; Kae e feaki ake loa a loto o vosa o le tagata !

Taagapati 27:20

Ofaipe le nofoaga o le kau mate mo le vanu e leaise makokona ; E leaise makokona foki a mata o le tagata.

Esaia 14:9

Kua feosoaki le nofoaga o le kau mate o kaku ki ona fakatafito, O teuteu lau kaku ake ; Kua fafagu e ia i ou mua le kau mate, le kau lalasi o le malama nei, Ti kua fakatutuu e ia ki aluga mei olatou ekeekeaga fakasau a sau fuli o atu puleaga.

Esaia 5:14

Koia kua fakamavaa ai le gutu o le nofoaga o le kau mate, Ti kua fakamavaa lasi ai lona gutu ; Ti e ifo loa ki ai le kau mauiga mo le kau mou koloa o Sione, Ti mo lona kakai logoa mo fiafia.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Levitiko 19:28

Aua na kotou fai loa ni masikasika i okoutou tino o tupu ko se mate ; aua na kotou fai loa ni tatau i lokoutou kili. Ko au ko le Eteleno.

Amosi 9:2

Kapau e lotou ulu ki le nofoaga o le kau mate, E taaki loa latou e loku lima mei ai. Ti kapau e lotou pale loa ki le atu lagi, E kau fakaifo loa latou mei ai.

Numelo 6:6

I le temi katoa o lona fakatapui ki le Eteleno, e leaise fakafeofi loa a ia ki se tasi leia kua mate ;

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Luka 16:23

I le nofoaga o le kau mate, na mamae lasi ai le tagata mou koloa ; ti na siki ake loa e ia ona mata ki aluga, ti na tio loa a ia mei mamao kia Apalaamo, ti mo Lasalo i ona tafa.

Luka 4:34

Oi ! Kolea e ke loto kia matou, Sesu mei Nasaleti ? Na ke au ke maumaui matou ? E kau iloa pe ko ai a koe : Ko le Sagato o le Atua.

Uluaki tosi ki le kau Kolinto 15:42

E toe fenaaki foki mo le toe tuuake o le kau mate. E muluki le tino e pala, kae e toe tuuake a ia e lee pala ;

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.

Apokalipisi 20:13

Ti na tuku ake loa e le tai a kau mate ala na maua e ia. Ti na tuku ake loa e le mate mo le nofoaga o le kau mate a kau mate ala na la maua ia. Ti na fakamaaui loa le tagata taki toka tasi o mulimuli ki ana gaoi.