Pesalemo 150:5 - Tosi Tapu

⁵ Kotou fakafetai kiate ia i ni sapale tatagi ! Kotou fakafetai kiate ia i ni sapale leo lasi !

Pesalemo 150:5 ပူးပေါင်းရင်းမြစ်များ

Lua tosi a Samuele 6:5

Na ta e Tavite mo le fale katoa o Iselaele i mua o le Eteleno a nea fai musika kesekese na fau ki le laakau ko le sipele, ni alepe, mo ni lute, mo ni nafa, mo ni pa, mo ni sitale.

Uluaki tosi o Koloniko 13:8

Na mako Tavite mo Iselaele katoa i mua o le Atua i le makeke katoa, o sua mo ta ni alepe, mo ni lute, mo ni nafa, mo ni pa, ti mo pupusi ni fakatagi pupusi.

Uluaki tosi o Koloniko 15:16

Ti na pati loa Tavite ki pule o le kau Levi ke fakatuu olatou fetaina ala na tonu ke sua mo alatou nea fai musika, ni lute, mo ni alepe ti mo ni pa, ti ke lotou fakasa lolatou fiafia lasi ki ni musika logo malie mo makeke.

Uluaki tosi o Koloniko 15:19

Na maua e tagata sua ko Emani, mo Asafe mo Etane, ni pa sila ke fakagugulu.

Uluaki tosi o Koloniko 15:28

Na paleaki ake loa e Iselaele katoa le aleka o le sai a le Eteleno mo ni kalaga fakafiafia, mo ni tatagi o fakatagi pupusi, mo pa, mo lute, ti mo alepe.

Uluaki tosi o Koloniko 16:5

Ko lolatou pule ko Asafe ; ko le lua ko Sakalia, mo Seiele, mo Semilamote, mo Sesiele, mo Matitia, mo Eliape, mo Penasa, mo Opeto-Etome, mo Seiele. Na lotou maua ni nea fai musika : ko ni lute, mo ni alepe ; ti na ta e Asafe a pa.

Uluaki tosi o Koloniko 25:1

Na vaei kese loa e Tavite mo le kau pule solia a vosa o Asafe, mo vosa o Emani, mo vosa o Setutune, ke lotou sua a folafola a le Atua i le alepe, mo pa, mo le lute. Ko leinei le api o latou ala na tokaga ki le gaoi lena.

Uluaki tosi o Koloniko 25:6

Na takitaki latou fuli ana e lolatou tamana ki le sua i le fale o le Eteleno, ti na lotou maua ni nafa, mo ni lute, mo ni alepe, ki le tausi o le fale o le Atua. Na maua e Asafe, mo Setutune, mo Emani, a fakatotonu mei le sau.

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.