Pesalemo 150:3 - Tosi Tapu

³ Kotou fakafetai kiate ia i le leo o le fakatagi pupusi ! Kotou fakafetai kiate ia i le lute mo le alepe !

Pesalemo 150:3 ပူးပေါင်းရင်းမြစ်များ

Lua tosi a Samuele 6:15

Na ave loa e Tavite mo le fale katoa o Iselaele le aleka o le Eteleno i ni kalaga fakafiafia mo le tagi a fakatagi pupusi.

Lua tosi a Samuele 6:5

Na ta e Tavite mo le fale katoa o Iselaele i mua o le Eteleno a nea fai musika kesekese na fau ki le laakau ko le sipele, ni alepe, mo ni lute, mo ni nafa, mo ni pa, mo ni sitale.

Uluaki tosi o Koloniko 15:20

Na maua e Sakalia, mo Asiele, mo Semilamote, mo Seiele, mo Uni, mo Eliape, mo Maasesa, ti mo Penasa, ni lute leo kiki ;

Uluaki tosi o Koloniko 15:24

ti na tutuu a Opeto-Etome mo Sekisa, tagata tuu matapa, i le tasi fetuu o le aleka. Na pupusi loa e Sepania, mo Sosafate, mo Netaneele, mo Amasai, mo Sakalia, mo Penasa mo Eliesele, tagata faisakilifisio, ni fakatagi pupusi i mua o le aleka o le Atua.

Uluaki tosi o Koloniko 15:28

Na paleaki ake loa e Iselaele katoa le aleka o le sai a le Eteleno mo ni kalaga fakafiafia, mo ni tatagi o fakatagi pupusi, mo pa, mo lute, ti mo alepe.

Uluaki tosi o Koloniko 16:42

Na tokaga Emani mo Setutune ki fakatagi pupusi mo pa a le kau fai musika, ti mo nea fai musika ala na fakaaoga ki le sua o katiko ki le Atua. Na tuu matapa a vosa o Setutune.

Uluaki tosi o Koloniko 25:1

Na vaei kese loa e Tavite mo le kau pule solia a vosa o Asafe, mo vosa o Emani, mo vosa o Setutune, ke lotou sua a folafola a le Atua i le alepe, mo pa, mo le lute. Ko leinei le api o latou ala na tokaga ki le gaoi lena.

Lua tosi o Koloniko 20:28

Na lotou ulu loa ki Selusalemi, ki le fale o le Eteleno, ki le tagi o nea fai musika, le lute, mo le alepe, ti mo le fakatagi pupusi.

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Pesalemo 108:2

Ei Atua, kua tuu makeke loku loto ! E kau sua loa, e kau fakatatagi loa aku nea faimusika : ko loku kololia a ia !

Pesalemo 149:3

Ke lotou fakafetai ki lona suafa i ni mako, Ke lotou sua fakafetai kiate ia i le alepe mo le nafa !

Pesalemo 33:2

Kotou fakafetai ki le Eteleno i le alepe ! Kotou vikiviki kiate ia i le lute va kau agafulu.

Pesalemo 92:3

Ke fakasa i le usu lou agamalie, Ti mo lou agatonu i lolotoga o pouli,

Taniela 3:5

Ka kotou logo loa ki le leo o nea fai musika, mo le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, e kotou punou loa ti e kotou atolasio loa ki le fakatata aulo leia na fakatuu e le sau ko Nepukatenesale.

Numelo 10:10

I okoutou aso fakafiafia, mo okoutou aso lalasi, ti mo okoutou masina foou, e kotou pupusi loa a fakatagi pupusi, mo ka kotou momoli loa akoutou failaulau mo akoutou sakilifisio fakafetai, ti e lotou fakamanatu loa koutou ki lokoutou Atua. Ko au ko le Eteleno, ko lokoutou Atua.