Pesalemo 15:5 - Tosi Tapu

⁵ E leaise afa e ia se tupu o lana paaga, Ti e leaise tali e ia se nea alofa ki leia e mea. Ko leia e fai fenaaki, e leaise toe siga a ia i se aso.

Pesalemo 15:5 ပူးပေါင်းရင်းမြစ်များ

Pesalemo 106:3

Manuia latou ala e tausi ia le lao, ala e fai ia le faitotonu i temi fuli !

Pesalemo 112:6

Talie e leaise siga a ia i se aso ; E tologa le igoa o le tagata agatonu o lee gato.

Pesalemo 16:8

E kau maua tuumau le Eteleno i oku mua. Ka nofo a ia i loku fetuu atamai, e leaise kau siga.

Pesalemo 55:22

E sua malie ake lona gutu i le suka, Kae nofo le tau i lona loto ; E momole ake ana masau i le lolo, Kae ko ni seleta matakakai latou.

Ekesote 22:24

ti e malaga loa loku ita, ti e kau tautea loa koutou ki le seleta ; ti e liliu loa akoutou avaga ko ni fafine sala avaga, ti mo okoutou toe ko ni toe sala matua.

Ekesote 22:25

Kapau e ke tuku loa se maua paaga ki le tagata mativa leia e nofo mo koe, leia e kau ki loku kakai, e leaise tonu ke ke faipe se tagata matapule, e leaise tonu ke ke tuku kiate ia se tupu o le paaga.

Taagapati 10:30

E leaise siga loa le tagata agatonu i se aso, Kae e leaise nofo loa le tagata agaveli i le fenua.

Taagapati 12:3

E leaise fakamakeke le tagata e le agaveli, kae e leaise toe siga loa le aka o le kau agatonu.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Esaia 33:15

Ko le tagata leia e saele i le faitotonu, Ti e masau i le maoki, Leia e vesia ki se totogi o le fakamakeke, Leia e tata ona lima ke aua na tali se nea alofa, Leia e tapono ona taliga ke aua na logo ki ni masau o le toto, Leia e sai ona mata ke aua na tio ki le veli,

Esekiele 18:17

Ti kapau e fakamamao loa lona lima i le agaveli, ti kapau e leaise afa e ia se tupu o lana paaga pe ko se totogi, ti kapau e tausi e ia aku fakatotonu mo aku lao, e leaise mate loa le tagata lena o tupu ko le agasala o lona tamana ; kae e mauli loa a ia.

Esekiele 18:27

Kapau e tafoki le tagata agasala i lana agaveli, o fai le faitotonu mo le maoki, e fakamauli loa e ia lona laumalie.

Esekiele 18:8

Leia e leaise soli ke ui ake mo se tupu, ti mo se totogi o le fakaaoga, leia e fakamamao lona lima i le agaveli ti e fakamaui i le faitotonu se tagata mo se tasi tagata,

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Mateo 26:15

o pati : Kolea e kotou loto ke soli mai kiate au, ti e kau tuku atu loa Sesu kia koutou ? Ti na lotou totogi loa a ia ki ni fa piesi paaga e kau tolu.

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.

Tetelonome 23:21

Kapau e ke fai loa se fakapapau ki le Eteleno, lou Atua, ti ke aua na ke tuvai loa i lona fai ; talie e afa atu loa e le Eteleno, lou Atua, a ia kiate koe, ti e ke maua ia loa se agasala.

Uluaki tosi a Samuele 12:3

Ko leinei au ! Ke kotou fakamaoki mai kiate au i mua o le Eteleno, mo mua o lona filifiliia. Ko ai leia na kau too ia lana pipi ti ko ai leia na kau too ia lana asino ? Ko ai leia na kau kakaai ti ko ai leia na kau fai fakaveliveli ? Ko ai leia na kau tali mei ai se nea alofa ke tapono ai oku mata kiate ia ? E kau toe fakaliliu loa a ia kiate ia.