Pesalemo 15:3 - Tosi Tapu

³ E leaise lau e ia ni veli ki lona oloi, E leaise fai e ia se nea veli ki lona oloi, Ti e leaise fai e ia se nea fakalumaluma ki lona oloi.

Pesalemo 15:3 ပူးပေါင်းရင်းမြစ်များ

Taagapati 22:10

Kapu le tagata gologolo, ti e oki loa le fefele, Ti e gato loa a visi mo lauveli.

Taagapati 25:3

Ko le lagi i lona taualuga, ko le kele i lona loloto, Ti mo le loto o sau, e leaise mafai ke iloa latou.

Esaia 56:2

Manuia le tagata leia e fai ia le nea lena, Ti mo le vosa o le tagata leia e tuu makeke i ai, O tausi le sapato, ke aua na maumaui a ia, Ti mo tokaga ki lona lima, ke aua na fai se nea veli !

Levitiko 19:16

Aua na ke fakamafola loa ni fatufatu loi ki se tasi o lou kakai. Aua na ke fai loa ni fakamaoki loi ke tamate ai lou oloi. Ko au ko le Eteleno.

Mateo 7:12

Ko nea fuli ala e kotou loto ke fai atu e tagata kia koutou, kotou fai foki a ia kia latou, talie ko lena le lao ti mo le kau polofeta.

Loma 1:30

Ko latou ko nea gutu mumusu, mo fatufatu, mo vesia ki le Atua, mo fakamakeke, mo fia sa, mo viki tonu, mo fakatupu veli, mo patigataa ki matua, mo sala atamai,

Loma 12:17

Aua na kotou totogi ki se tasi le veli ki le veli. Kotou afa le nea e malie i mua o tagata fuli.

Loma 13:10

E leaise fai e le alofa se veli ki le oloi : koia ko le alofa ko le katoaaga a ia o le lao.

Tito 3:2

ke aua na lotou lauveli ki se tasi, ke lotou fakatokatoka, mo fakapotopoto, mo apele i le agamalu ki tagata fuli.

Sakopo 4:11

Fetaina, ke aua na kotou masau veli, a la ki la. Ko leia e masau veli ki se taina, pe fakamaaui ia lona taina, e masau veli a ia ki le lao ti e fakamaaui e ia le lao. Ti kapau e ke fakamaaui ia le lao, e leaise ko se tagata loa a koe leia e fai ia le lao, kae ko lona tui fakamaau.

Tolu tosi a Soane 1:11

Alofaina, aua na ke faifaitaki ki le veli, kae ki le malie. Ko leia e fai ia le malie e kau a ia ki le Atua, kae ko leia e fai ia le veli, na leaise tio a ia ki le Atua.

Uluaki tosi a Samuele 24:11

Kua tio ou mata totonu i le aso nei, kua tuku mai a koe e le Eteleno ki oku lima i le aso nei i loto o le ana. Na fakasolosolo au ke tamate a koe ; kae na kau fakamauli a koe, o kau pati : E leaise mafao loa loku lima ki loku aliki, talie ko le filifiliia a ia a le Eteleno.