Pesalemo 149:4 - Tosi Tapu

⁴ Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 149:4 ပူးပေါင်းရင်းမြစ်များ

Pesalemo 117:2

Talie e lasi lona agamalie kia tatou, Ti e tologa lona agatonu o lee gato. Kotou fakafetai ki le Eteleno !

Pesalemo 132:16

E kau fakakofu loa ki le fakamauli lana kau faisakilifisio, Ti e kalaga fakafiafia loa lana kau agatonu.

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Pesalemo 22:8

Ko latou fuli ala e tio kiate au e gologolo kiate au, E lotou fakainaina olatou gutu, mo kalokalo olatou ulu, o pati :

Pesalemo 35:27

Ke lotou maua se fiafia lasi mo se fiafia, Latou ala e fiafia i loku mea, Ti ke lotou pati tuumau : Ke fakafetai ki le Eteleno, Leia e loto ki le tokamalie o lana tagata fakasausau !

Pesalemo 90:17

Ke nofo ia tatou le kalasia o le Eteleno, lotatou Atua ! Fakamakeke le gaoi o omatou lima ; Io, fakamakeke le gaoi o omatou lima !

Taagapati 11:20

E vesia le Eteleno kia latou ala e loto pikopiko, Kae e malie kiate ia latou ala e saele i le ala totonu.

Katiko o Katiko 1:11

E motou fai loa kiate koe ni tini aulo, Mo ni nonoa siliva.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Epelo 12:10

Talie e maoki na tautea tatou e otatou tamana i ni ga aso teiki fua, ofai ki le nea leia e lotou malie ia ; kae e tautea tatou e le Atua i le nea leia e aoga kia tatou, o tupu ke tou kau ki lona maokioki.

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.