Pesalemo 149:2 - Tosi Tapu

² Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 149:2 ပူးပေါင်းရင်းမြစ်များ

Sopo 35:10

Kae e leaise pati fua se tasi : Kofea le Atua, loku tupuaga, Leia e tuku ia ki loku loto ni sua fiafia i le pouli,

Pesalemo 47:6

E pale le Atua i loto malie o kalaga o le malo, E saele mai le Eteleno i le tagi o le fakatagi pupusi.

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Esaia 43:15

Ko au ko le Eteleno, lokoutou Sagato, Le tupuaga o Iselaele, lokoutou sau.

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Soele 2:23

Ti ko koutou, fanau o Sione, kotou fiafia ti kotou nekenekea I le Eteleno, lokoutou Atua, Talie e tuku atu loa e ia kia koutou le ua i lona temi, E kakau atu loa e ia kia koutou a ua o le temi momoko mo ua o le temi mafana, Ofaipe le temi mago.

Apakuki 1:12

Pe leaise ke agai mei lee gato, Eteleno, loku Atua, loku Sagato ? E leaise motou mamate loa ! Ei Eteleno, na ke fakanofo le kakai leinei ke fai ia au fakamaauaga ; Ei loku Utu, na ke lagai a ia ke tuku ia au tautea.

Sofoni 3:14

Taine o Sione, ke ke kalaga fakafiafia ! Iselaele, ke ke fakamapa ni kalaga nekenekea ! Taine o Selusalemi, fakafiafia i lou loto katoa !

Sofoni 3:15

Kua fakamafuli kese e le Eteleno ou tautea, Kua fakamamao e ia lou fili. E nofo le sau o Iselaele, le Eteleno, i loto malie o ou ; E leaise ke toe maua ia loa se malaia.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 21:5

Pati ki le taine o Sione : Ko leinei, e au lou sau kiate koe, Apele i le agamalu, ti e eke i se asino, I se uviki asino, le uviki o se asino fafine.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Luka 19:38

Ti na lotou pati loa : Manuia le sau leia e saele mai i le suafa o le Aliki ! Tokamalie i le lagi, ti kololia i potu taualuga ai !

Soane 19:15

Kae na lotou kalaga leo lasi loa : Ke mate, ke mate, ke kulusifiko a ia ! Na pati loa Pilato kia latou : Pe kau kulusifiko loa lokoutou sau ? Na tali loa le kau pule faisakilifisio : Ko lomatou sau e tasi ko Sesale.

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Apokalipisi 19:6

Ti na kau logo loa ofaipe le leo o se kakai toka api, ofaipe se gugulu o ni vai lalasi, ofaipe se gugulu o ni mana makeke, o pati : Aleluia ! Talie kua ulu le Aliki, lotatou Atua Mafimafi, ki lona puleaga.

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.