Pesalemo 148:8 - Tosi Tapu

⁸ Afi mo ua fefeka, nive mo kokofu, Matagi makeke, ala e fai ia ana fakatotonu,

Pesalemo 148:8 ပူးပေါင်းရင်းမြစ်များ

Senesi 19:24

I le temi tonu lena, na fakavilo loa e le Eteleno mei le lagi ki Sotoma mo Komola se ua fatu kaka mo se afi.

Sopo 37:12

E lotou feanoaki o mulimuli ki ana fakatuutuu, O fakasoko a nea fuli ala na fakatotonu e ia kia latou, i aluga o le malama nei.

Pesalemo 103:20

Kotou fakafetai ki le Eteleno, koutou ko ana kau aselo, Ala e mafimafi i le makeke, ti e fakasoko ia ana fakatotonu, O fakalogo ki le leo o lana folafola !

Pesalemo 18:12

Na fai e ia ki le fakapouli lona nofoaga fakalilo, lona falela i lona takatakai. Na kofu a ia e ni vai fakapouli mo ni ao uuli.

Ekesote 10:13

Ti na siki loa e Moisese lana tokotoko ki le fenua o Esipito ; ti na fakaagi loa e le Eteleno se matagi mei le potu Esite ki le fenua i le aso katoa lena mo le po katoa lena. I le pogipogi usu na aumai loa e le matagi o le potu Esite ni seseivaka.

Ekesote 10:19

Na fakaagi mai loa e le Eteleno se matagi makeke mei le potu Uesite, ti na ave loa e le matagi a seseivaka o laku ki le tai Kula ; na leaise toe maua loa se seseivaka e tasi i le fenua katoa o Esipito.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Soele 2:30

E kau fakasa loa ni nea fakamanamana i le lagi mo le kele, Se toto, mo se afi, ti mo ni pou afu.

Levitiko 10:2

Ti na mavae loa se afi mei mua o le Eteleno, o tutu laua : ti na la mamate loa i mua o le Eteleno.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Amosi 7:4

Na fakasa mai loa kiate au e le Aliki, le Eteleno, le tio leinei : Ko leinei, na fakasa e le Aliki, le Eteleno, le tautea ki le afi ; Ti na kai e le afi le vanu loloto, Ti na kai foki e ia le faisaga.

Sonasi 1:4

Kae na fakaagi loa e le Eteleno se matagi makeke ki le tai, ti na malaga loa i le tai se afa lasi. Ti na sakinake le vaka ka goto.

Sonasi 1:5

Ti na i lasi ai le kau vaka, ti na lotou tasi tagi loa ki lona atua, ti na lotou laku loa ki le tai a nea ala na tuku i le vaka, o tupu ke fakamaamaa a ia. Na ifo loa Sonasi ki le takele o le vaka, ti na moemate loa a ia.

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Sosue 10:11

I le temi na lotou sosola ai i mua o fanau a Iselaele, ti na lotou ifo ai ki Pete-Oloni, na fakato loa e le Eteleno mei le lagi se ua fatu fualalasi kia latou o kaku ki Aseka, ti na lotou mamate ai loa. Na lasi ake latou ala na mamate i le ua fatu ia latou ala na tamate ki le seleta e fanau a Iselaele.

Apokalipisi 16:21

Ti na to loa se ua fatu aisi mei le lagi ki tagata, ti ko le mamafa o le fatu aisi e tasi ko kilo e kau fa tupu iva ; ti na lauveli loa a tagata ki le Atua, o tupu ko le ua fatu aisi, talie na lasi ai le malaia lena.