Pesalemo 147:2 - Tosi Tapu

² E toe laga e le Eteleno Selusalemi, E fakatasi e ia le kau popula o Iselaele ;

Pesalemo 147:2 ပူးပေါင်းရင်းမြစ်များ

Neemia 6:15

Na oki loa le paa fatu o le kolo i le aso kau lua tupu lima o le masina o Elule : na aso kau lima tupu lua.

Neemia 6:16

I le logo omatou fili fuli ki le nea lena, na i loa a puleaga fuli i omatou tafatafa, ti na lotou luma lasi loa, o tupu na lotou iloa loa kua soko le gaoi i le finegalo o lomatou Atua.

Neemia 7:4

Na lau lasi le kolo ti na lasi, kae na toka teiki fua le kakai leia na nofo i ai, ti na leikiaise laga a fale.

Pesalemo 102:17

Io, e toe laga loa e le Eteleno a Sione, E sa loa a ia i lona kololia.

Pesalemo 51:18

Ka na ke loto ki ni sakilifisio, na kau momoli atu loa latou kiate koe ; Kae e leaise ke fiafia i ni failaulau.

Esaia 14:32

Ti kolea ke tali loa ki tagata avelogo a le kakai ? Kua fakatuu e le Eteleno a Sione, Ti kua maua e le kau fakaaloalofa o lona kakai se mumuniaga i ai.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Esaia 62:7

Ti ke aua na kotou tuku se malolo kiate ia i se lakaga, O kaku ki lana toe fakatuu Selusalemi ke tuu mau, Ti mo lana fakaliliu a ia ke kololia ia i le malama nei.

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 31:4

E kau toe laga loa a koe, ti e toe laga loa a koe, Taine taupoou o Iselaele ! E ke toe too loa au nafa, Ti e ke toe ano loa i loto malie o ni mako fakafiafia.

Selemia 32:37

Ko leinei, e kau fakatasi mai loa latou mei fenua fuli ala na kau kapu latou ki ai, I loku mamae, mo loku sausau, mo loku fitaa lasi ; E kau toe aumai loa latou ki le ganea leinei, Ti e kau fakanonofo loa latou i ai, i le fimalie.

Esekiele 38:8

E sili loa ni aso mauke, e ke nofo loa ko lolatou pule ; E oki loa ni fetuu, e ke saele loa ki le fenua Leia na sao lona kakai i le seleta, Ti na fakatasi mei ni fenua mauke Ki mauga o Iselaele ala na lavaki fualoa. E lotou nofo kese loa i atu puleaga, E lotou fimalie loa i olatou nofoaga.

Taniela 9:25

Koia ke ke iloa ai ti mo ke matala ki le nea leinei : Mei le lakaga leia na fakasa ai e le folafola e toe laga loa Selusalemi, o kaku ki le Mesia, le Takitaki, e i ai ni vasaa e fitu ti mo ni vasaa e kau ono tupu lua : e toe laga loa a lapalasi mo kanivo, kae i ni temi maveuveu.

Mikea 4:6

I le aso lena, e pati le Eteleno : e kau tali loa le kau kito, E kau fakatasi loa latou ala na kapu, Latou ala na kau fakaveliveli.

Sakalia 8:7

Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.