Pesalemo 146:6 - Tosi Tapu

⁶ Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

Pesalemo 146:6 ပူးပေါင်းရင်းမြစ်များ

Senesi 1:1

I le kamataaga, na fakatupu loa e le Atua le lagi mo le kele.

Pesalemo 100:5

Talie e agamalie le Eteleno ; e lee gato lona agamalie, Ti e tuu lona agatonu i tautupu ki tautupu.

Pesalemo 115:15

Ke tapuaki koutou e le Eteleno, Leia na fakatupu ia le lagi mo le kele !

Pesalemo 117:2

Talie e lasi lona agamalie kia tatou, Ti e tologa lona agatonu o lee gato. Kotou fakafetai ki le Eteleno !

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Pesalemo 89:2

E kau sua loa le agamalie o le Eteleno o lee gato ; E fakasa loa e loku gutu lou agatonu i tautupu mo tautupu.

Pesalemo 89:33

E kau tautea loa ki le laakau alatou sala, Ti mo alatou agaveli ki ni fa ta ;

Pesalemo 95:5

A ana le tai, ko ia leia na gaoi ia a ia ; Ko le kele foki, ko ona lima ala na gaoi ia a ia.

Pesalemo 98:3

Na manatui e ia lona agamalie mo lona agatonu ki le fale o Iselaele, Na tio a potupotu fuli o le malama nei ki le fakamauli a lotatou Atua.

Ekesote 20:11

Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Soane 1:3

Na fai e ia a nea fuli, ti na leaise nea i nea fuli ala na fai na leaise fai sala mo ia.

Soane 10:34

Na tali loa Sesu kia latou : Pe leaise tuu koia i lakoutou lao : Na kau pati : ko ni atua koutou ?

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Kolose 1:16

Talie na fakatupu e ia a nea fuli, ala i le atu lagi ti mo la i le malama nei, mo nea ala e sa ti mo nea ala e leaise sa, pe ko nofoaga sau, pe ko nofoaga fakaaliki, pe ko le kau makeke, pe ko le kau pule. Na fakatupu e ia a nea fuli ma ana.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Apokalipisi 14:7

Ti na pati loa a ia o leo lasi : Kotou i ki le Atua, ti kotou tuku kiate ia le kololia, talie kua soko le ola o lana fakamaau, ti kotou su ki leia na fakatupu ia le lagi, mo le kele, mo le tai, ti mo matapuna vai fuli.