Pesalemo 145:4 - Tosi Tapu

⁴ Ke fakafetai a tautupu fuli ki au gaoi, Ti ke lotou fakasa au gaoi lalasi !

Pesalemo 145:4 ပူးပေါင်းရင်းမြစ်များ

Esitele 9:28

E tonu loa ke fakamanatu mo tausi a aso ana i tautupu mo tautupu, i le famili taki tasi, i le fenua taki tasi, ti mo le kolo taki tasi ; ti e leaise tonu loa ke puli a aso ana o le Pulimi i loto malie o le kau Sutea, pe ke puli lona fakamanatu i olatou sakoga.

Sopo 8:10

E lotou ako atu loa kiate koe, e lotou masau atu loa kiate koe, Ti e lotou too loa mei lolatou loto a masau anei :

Pesalemo 71:18

Aua na ke tiaki au, ei Atua ! tatau foki i le temi o loku matua veli, O tupu ke kau fakamasa lou makeke ki le tautupu leinei, Lou mafimafi i le tautupu ka au !

Esaia 38:19

Ko leia e mauli, ko leia e mauli, ko ia leia e fakafetai kiate koe, O tatau mo au i le aso nei ; E fakailoilo e le tamana ki ana fanau lou agatonu.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.