Pesalemo 145:3 - Tosi Tapu

³ E lasi le Eteleno, ti e gali a ia i le fakafetai, Ti e leaise mafai ke iloa lona lasi.

Pesalemo 145:3 ပူးပေါင်းရင်းမြစ်များ

Uluaki tosi o Koloniko 16:25

Talie e lasi le Eteleno ti e gali a ia mo le fakavikiviki, E fakaii a ia i aluga o atua fuli ;

Sopo 26:14

Ko potupotu ana o ona ala, Ko le ga logoa noa leia e kaku mai kia tatou. Kae ko ai e logo loa ki le mana o lona mafimafi ?

Sopo 36:26

E lasi ai le Atua, ti e leaise feala ke tou iloa lona mafimafi, E leaise mafai ke iloa le lasi o ona fetuu.

Sopo 37:23

E leaise feala ke tou kaku ki le Mafimafi, E lasi a ia i le makeke, I le faitotonu, mo le pule. E leaise tali mai a ia !

Sopo 5:9

E fai e ia ni nea lalasi, ala e leaise feala ke matala ki ai, Ti e leaise feala ke lau ana nea fakaofolele ;

Sopo 9:10

E fai e ia ni nea lalasi ala e leaise mafai ke matala ki ai, Ti mo ni gaoi fakaofolele ala e leaise mafai ke lau.

Pesalemo 139:6

Ko se poto lasi fenaaki e leaise kau kaku ki ai ; E taualuga veli ai a ia ke kau matala ki ai.

Pesalemo 147:5

E lasi lotatou Aliki, ti e lasi ai lona makeke ; E leai se gatoaga o lona atamai.

Pesalemo 48:1

Katiko. Pesalemo o vosa o Kole.

Pesalemo 96:4

Talie e lasi le Eteleno ti e gali ai mo le fakavikiviki, E fakaii a ia i aluga o atua fuli.

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !