Pesalemo 143:2 - Tosi Tapu

² Aua na ke fakamaaui lau tagata fakasausau ! Talie e leaise agatonu se tagata mauli i ou mua.

Pesalemo 143:2 ပူးပေါင်းရင်းမြစ်များ

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Sopo 14:3

Ti ko ia leia e leoleo e lou mata ! Ti e ke toso au ki le fakamaauaga !

Sopo 15:14

Kolea le tagata, ke ke pati ai e mea a ia ? Pe feala ke faitotonu leia na tupu mei le fafine ?

Sopo 25:4

Pe feaki loa ke agatonu le tagata i mua o le Atua ? Pe feaki loa ke mea leia na tupu i le fafine ?

Sopo 4:17

Pe agatonu loa le tagata i mua o le Atua ? Pe mea loa a ia i mua o leia na fakatupu ia a ia ?

Pesalemo 130:3

Ka na ke taupau le manatu ki agasala, Eteleno, Ko ai e mafai loa ke mauli ?

Ekesote 34:7

leia e taupau ia lona alofa o kaku ki tautupu e afe, leia e fakamolemole ia le agaveli, mo le patigataa, ti mo le agasala, kae e leaise tuku noa e ia leia e agasala, ti e fakatuaa e ia le agaveli a tamana ki fanau mo makopuna o kaku ki le tolu mo le fa o tautupu.

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Loma 3:20

Talie e leaise fakamatatonu loa se tasi i mua o le Atua e gaoi o le lao, talie e tupu mei le lao le iloa o le agasala.

Kalate 2:16

Kae, i le iloa e leaise fakamatatonu le tagata i mua o le Atua ki gaoi o le lao, kae ki le tui kia Sesu-Kilisito, ko tatou foki kua tou tui kia Sesu-Kilisito, o tupu ke fakamatatonu tatou ki le tui kia Kilisito kae leai ki gaoi o le lao, talie e leaise fakamatatonu loa se tasi ki a gaoi o le lao.

Uluaki tosi a Soane 1:10

Kapau e tou pati na leaise tou agasala, e tou fakaloii a ia, ti e leaise nofo lana folafola ia tatou.