Pesalemo 143:10 - Tosi Tapu

¹⁰ Ako mai kiate au le fai o lou finegalo, Talie ko koe ko loku Atua. Ke taki au e lou laumalie malie i le ala totonu !

Pesalemo 143:10 ပူးပေါင်းရင်းမြစ်များ

Neemia 9:20

Na ke soli loa kia latou lou Laumalie ke lotou liliu o fakalogo, ti na leaise ke too loa lau mana mei olatou gutu, ti na ke soli loa se vai ki lolatou fia inu.

Pesalemo 118:28

Ko koe ko loku Atua, ti e kau fakafetai loa kiate koe ; Loku Atua, e kau sua loa kiate koe.

Pesalemo 119:12

Ei Eteleno, e kau fakafetai ki lou suafa ! Ako mai kiate au au lekula !

Pesalemo 119:35

Taki au i le ala o au fakatotonu, Talie e kau alofa ki ai.

Pesalemo 139:24

Ke ke tio pe kau nofo i se ala veli, Ti ke ke taki au i le ala o le mauli lee gato !

Pesalemo 140:6

E teuteu e ni tagata fia nealasi se masele mo ni kupega kiate au, E lotou fakatuu ni kukuti i le ala, E lotou kenu ni popoko ke kau vilo ki ai. - Manava.

Pesalemo 22:1

Ki le pule o le kau sua. Ke sua i le nota o le tia o le mafoata. Pesalemo a Tavite.

Pesalemo 23:3

E toe fakamakeke e ia loku laumalie. E taki e ia au i ala o le faitotonu, O tupu ko lona suafa.

Pesalemo 25:12

Ko ai le tagata leia e i ki le Eteleno ? E fakasa loa e le Eteleno kiate ia le ala leia e tonu ke filifili e ia.

Pesalemo 27:11

Eteleno, ako mai kiate au lou ala, Taki au i le ala o le maoki, O tupu ko oku fili.

Pesalemo 31:14

E kau logo ki lauveli a le toka api, mo le fakaii leia e taka i oku tafatafa, Mo ka lotou fonofono kiate au ke lotou too loku mauli.

Pesalemo 63:1

Pesalemo a Tavite. I lana nofo i le toafa o Suta.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 63:14

Ofaipe le manu leia e ifo ki le vaivailiua, Na taki latou e le Laumalie o le Eteleno ki le malolo. Na fenaaki lau taki lou kakai, O logologona ai lou suafa.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Numelo 9:22

Kapau na tuu le ao i aluga o le tapenakulo i ni aso e lua, pe ko se masina e tasi, pe ko se fetuu katoa, na nonofo fanau a Iselaele i olatou falela, ti na leaise lotou fanoga loa. Ti ka malaga loa le ao, na lotou fanoga loa.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 15:30

E kau fakalotomakeke koutou, fetaina, o tupu ko lotatou Aliki ko Sesu-Kilisito ti mo le alofa o le Laumalie, ke kotou tau fakatasi mo au, o kotou fai ki le Atua ni kole o uiga mo au,

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Loma 8:26

Ti e tokoi mai foki le Laumalie kia tatou i lotatou gaegae, talie e leaise tou iloa le nea leia e malie ke tou kole i atatou faikole. Kae e faikole le Laumalie totonu kia tatou i ni tagi e leaise mafai ke fakasa e ni kupu.

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Efeso 5:9

Talie ko le fua o le malama ko agamalie fuli, mo faitotonu fuli, ti mo maoki.

Lua tosi kia Timoteo 1:7

Talie e leaise soli mai e le Atua kia tatou le Laumalie ke tou manava ikiiki ai ; kae e fakaapele tatou e lona Laumalie ki le makeke, mo le alofa, ti mo le poto.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.