Pesalemo 142:7 - Tosi Tapu

⁷ Tokaga mai ki aku tagi ! Talie e kau mamae ai. Saofaki au ia latou ala e tuli ia au ! Talie e lotou makeke ake iate au.

Pesalemo 142:7 ပူးပေါင်းရင်းမြစ်များ

Pesalemo 116:7

Loku laumalie, toe liliu ki lou maloloaga, Talie na fai e le Eteleno kiate koe se nea malie.

Pesalemo 119:17

Fakasa lou agamalie ki lau tagata fakasausau, o tupu ke kau mauli Ti ke kau tausi lau folafola !

Pesalemo 119:74

Ko latou ala e i kiate koe e tio kiate au ti e lotou fiafia, Talie e kau amanaki malie ki au fakapapau.

Pesalemo 13:6

Ko au, e kau fanaki ki lou agamalie, E kau maua le fiafia lasi i loku loto, o tupu ko lou fakamauli. E kau sua ki le Eteleno, talie na fai e ia se nea malie kiate au.

Pesalemo 142:1

Katiko a Tavite. I le temi leia na nofo ai i le ana. Kole.

Pesalemo 143:11

O tupu ko lou suafa, Eteleno, toe soli mai le mauli kiate au ! I lou faitotonu, too loku laumalie i le mamae !

Pesalemo 143:9

Ei Eteleno ! saofaki au i oku fili, Talie e kau afa iate koe se mumuniaga.

Pesalemo 146:7

E faitotonu a ia kia latou ala na fakavelivelii. E soli e ia se pane kia latou ala e pakupaku. E saofaki e le Eteleno le kau popula.

Pesalemo 31:8

E kau fiafia loa mo nekenekea loa i lou kalasia : Talie e ke tio ki loku mamae, e ke iloa a i o loku loto,

Pesalemo 34:2

E kau fakafetai loa ki le Eteleno i temi fuli ; E tuu mau loa lona fakavikiviki i loku gutu.

Pesalemo 38:20

Kae e apele oku fili i le mauli mo makeke ; E toka api ai latou ala e vesia mai kiate au kae e leaise sona tupuaga.

Pesalemo 9:14

Eteleno, alofa mai kiate au ! Tio ki loku mamae ia latou ala e vesia kiate au ! Too au i matapa o le mate,

Pesalemo 9:3

E kau fai loa kiate koe le tupuaga o loku fiafia mo loku nekenekea, Ti e kau sua loa lou suafa, Atua Taualuga !

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Gaoi 2:24

Kua toe fakatuuake a ia e le Atua, o saofaki a ia mei sai o le mate, talie na leaise mafai ke taofi a ia e le mate.

Sakopo 5:11

Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.