Pesalemo 141:5 - Tosi Tapu

⁵ Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Pesalemo 141:5 ပူးပေါင်းရင်းမြစ်များ

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Pesalemo 125:4

Eteleno, liligi au nea malilie ki le kau agamalie, Ti mo latou ala e loto sako !

Pesalemo 23:5

E ke teuteu se laupapa i oku mua ; I mata o oku fili ; E ke pani lolo loku ulu, Ti e apele pipi loku ipu.

Pesalemo 51:18

Ka na ke loto ki ni sakilifisio, na kau momoli atu loa latou kiate koe ; Kae e leaise ke fiafia i ni failaulau.

Taagapati 12:1

Ko leia e manako ki akonaki, e manako ki le poto ; Kae ko leia e vesia ki le valoki e sala atamai.

Taagapati 15:22

E leaise soko a fakatuutuu, o tupu ko le mativa fakakaukau ; Kae e lotou manuia mo ka lasi le kau fakakaukau.

Taagapati 15:5

E vesia le vale ki le akonaki a lona tamana, Kae ko leia e tokaga ki le valoki e poto.

Taagapati 19:25

Taai le tagata gologolo, ti e liliu loa le vale o poto ; Valoki le tagata atamai, ti e matala loa a ia ki le poto.

Taagapati 25:12

Ofaipe se mama aulo mo se kasoa aulo mea, E fenaaki ki se taliga patigaofie le poto leia e fai ia se valoki.

Taagapati 6:23

Talie ko le pelesepeto ko se tuuaga malama, ti ko le akonaki ko se fa malama, Ti ko valoki a le tautea ko le ala o le mauli :

Ekelesiasi 7:5

E malie ake le fakalogo ki valoki a le tagata poto i le fakalogo ki le sua a le kau vale.

Levitiko 19:17

Aua na ke vesia loa ki lou taina i lou loto ; e ke tokaga loa o valoki lou taina, o tupu ke aua na ke amo ia loa se agasala o tupu ko ia.

Mateo 5:44

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou,

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.