Pesalemo 140:10 - Tosi Tapu

¹⁰ Ke vilo ki ulu o latou ala e takatakai ia au Le agaveli o olatou laugutu !

Pesalemo 140:10 ပူးပေါင်းရင်းမြစ်များ

Senesi 19:24

I le temi tonu lena, na fakavilo loa e le Eteleno mei le lagi ki Sotoma mo Komola se ua fatu kaka mo se afi.

Pesalemo 11:6

E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

Pesalemo 120:4

Ko gasau matakakai a le tagata tau, Mo malala kaka o le sene.

Pesalemo 21:9

E tapo loa e lou lima ou fili fuli, E tapo loa e lou lima atamai latou ala e vesia kiate koe.

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Pesalemo 64:9

Ko lolatou alelo na fakatupu ia lolatou vilo ; Ko latou fuli ala e tio kia latou e lu olatou ulu.

Pesalemo 7:17

E toe vilo lana agaveli ki lona ulu, Ti e toe ifo lana agaitaita ki lona tumuaki.

Taagapati 28:10

Ko leia e fakasese ia a tagata maokioki ke ano i se ala veli E vilo ki le popoko leia na kenu e ia ; Kae e maua e le kau agatonu le manuia.

Taagapati 28:17

Ko se tagata leia e nofo mo se tukipo i lona loto E sola o kaku ki le popoko : ke aua na taofi a ia !

Mateo 13:42

ti e lotou laku loa latou ki le afi kaka, leia e logo ai loa ki ni tagi mo ni fetati o nifo.

Mateo 13:50

ti e lotou laku loa le kau agaveli ki le afi kaka, leia e logo ai loa ki ni tagi mo ni fetati o nifo.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.