Pesalemo 14:5 - Tosi Tapu

⁵ Koia e lotou lulu loa i le i lasi, Mo ka sa mai loa le Atua i loto malie o le lanu o tagata agatonu.

Pesalemo 14:5 ပူးပေါင်းရင်းမြစ်များ

Esitele 8:7

Ti na pati loa le sau ko Asuelusi ki le fafine sau ko Esitele mo le Sutea ko Maletoseo : Ko leinei, kua kau soli kia Esitele le fale o Amane, ti kua tautau a ia ki le laakau o tupu ko lana falo lona lima ki le kau Sutea.

Pesalemo 112:2

E makeke loa lona sakoga i le malama nei, E tapuakina loa le tautupu o tagata agatonu.

Pesalemo 22:30

E kai loa le kau makeke fuli o le malama nei, ti e lotou punou loa ki lalo. E punou loa i ona mua latou fuli ala e ifo ki le efu, Latou ala e leaise feala ke taupau ia olatou mauli.

Pesalemo 24:6

Ko lena le vaega o le tautupu leia e fetapa kiate ia, O latou ala e afa ia ou mata, Atua o Sakopo ! - Manava.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 53:5

Pe kua puli le atamai o latou ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Atua.

Pesalemo 73:15

Kapau na kau pati : E kau fia masau ofaipe latou, Ko leinei, e kau kakaai loa le sakoga o au fanau.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Samuele 14:15

Na mafola loa le lulu i le nofolaga tau o le kau Filisitini, mo le fenua, mo le kakai katoa ; na toe lulu foki mo le kolo tau mo le kau maumau ; na maveuveu katoa le fenua. Na faipe se maveuveu na au mei le Atua.