Pesalemo 136:6 - Tosi Tapu

⁶ Ko ia leia na folasi ia le kele i aluga o atu vai, Talie e lee gato lona manava alofa !

Pesalemo 136:6 ပူးပေါင်းရင်းမြစ်များ

Senesi 1:9

Na pati loa le Atua : Ke tanaki a vai i lalo o le lagi ki se ganea e tasi, ti ke sa le kele malo. Ti na soko loa le nea lena.

Sopo 26:7

E folasi e ia le potu noleto o le lagi i aluga o le aele noa, Ti e tautau e ia le kele i aluga o le aele noa.

Sopo 37:18

Pe ke mafai ia le folasi o le lagi ofaipe ia, Ke fefeka ofaipe se tiloata ukamea na saka ?

Pesalemo 24:2

Talie na fakatuu e ia le kele i aluga o atu tai, Ti na fakamakeke e ia a ia i aluga o vaitafe.

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.