Pesalemo 135:6 - Tosi Tapu

⁶ Ko nea fuli ala e loto ki ai le Eteleno, e fai e ia latou, I le atu lagi mo le kele, I atu tai ti mo potu loloto fuli.

Pesalemo 135:6 ပူးပေါင်းရင်းမြစ်များ

Sopo 42:2

E kau fakamaoki e ke mafai a nea fuli, Ti e leaise fakafesagai se nea ki au manatu.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Pesalemo 33:11

E tuu fakatuutuu a le Eteleno o lee gato, Ti mo oli o lona loto i tautupu mo tautupu.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Amosi 9:6

Na fakatuu e ia lona fale i le atu lagi, Kae tuu lona fakatafito i le kele. E kalagai e ia a vai o le tai, Ti e fakamafola e ia latou i aluga o le kele : Ko le Eteleno ko lona igoa.

Mateo 14:25

I le vaega fa o le pouli, na ano loa Sesu kia latou, o saele i aluga o le tai.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.