Pesalemo 132:11 - Tosi Tapu

¹¹ Na fakapapau le Eteleno kia Tavite i le maoki, E leaise toe liliu loa a ia ki muli : E kau fakaeke loa i lou ekeekeaga fakasau se fua o lou manava.

Pesalemo 132:11 ပူးပေါင်းရင်းမြစ်များ

Lua tosi a Samuele 7:12

Ka oki loa ou aso, ti e ke moe loa mo ou tamana, e kau lagai loa lou sakoga i ou muli, leia e ulu loa mei ou tootooga, ti e kau fakamakeke loa lana pule.

Lua tosi a Samuele 7:14

E kau liliu loa kiate ia ko se tamana, ti e liliu loa a ia kiate au ko se vosa. Kapau e fai loa e ia le nea e veli, e kau tautea loa a ia ofaipe se tamana leia e tautea ia lona vosa ;

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Uluaki tosi o Sau 1:48

Ti ko leinei le nea na toe pati ki ai le sau : Ke fakafetai ki le Eteleno, le Atua o Iselaele, leia kua soli ia mai kiate au i le aso nei se tasi ke fetogi ia au i loku ekeekeaga fakasau, ti kua fakataga kiate au ke kau tio ki ai !

Uluaki tosi o Sau 8:25

I le lakaga nei, Eteleno, Atua o Iselaele, fai ki lau tagata fakasausau ko Tavite, loku tamana, le fakapapau, o pati : E leaise ke mativa loa i se aso i se tagata ke ekeeke i le ekeekeaga fakasau o Iselaele i oku mua, mo kapau e tokaga loa ou vosa ki olatou ala ti mo lotou saele loa i loku agai ofaipe lau saele i loku agai.

Lua tosi o Koloniko 6:16

I le lakaga nei, Eteleno, Atua o Iselaele, ke ke fakasoko le fakapapau leia na ke fai kia Tavite, loku tamana, o pati : E leaise ke mativa loa i se aso i oku mua i se tagata leia ke nofo i le ekeekeaga fakasau o Iselaele, o fetogi a koe, ko leia fua ke tokaga ou vosa ki olatou ala ti ke lotou saele i laku lao ofaipe lau saele i oku mua.

Lua tosi o Koloniko 7:18

e kau fakamakeke loa le ekeekeaga fakasau o lou puleaga, ofaipe le nea leia na kau fakapapau kia Tavite, lou tamana, o pati : E ke maua tuumau loa se tasi i lou sakoga ke sau i Iselaele.

Pesalemo 110:4

Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 89:33

E kau tautea loa ki le laakau alatou sala, Ti mo alatou agaveli ki ni fa ta ;

Pesalemo 89:35

E leaise kau maumaui loa laku sai, ti e leaise kau fetogi loa le nea leia na ulu mei oku laugutu.

Pesalemo 89:37

E mauli loa lona sakoga o lee gato ; E tuu loa lona ekeekeaga fakasau i oku mua ofaipe le laa,

Pesalemo 89:5

E kau fakamakeke loa lou sakoga o lee gato, Ti e kau fakatuu loa lou ekeekeaga fakasau i tautupu mo tautupu. - Manava.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Luka 1:32

E lasi loa a ia, ti e fakaigoa loa a ia ko le Alo o le Taualuga, ti e soli loa e le Aliki Atua kiate ia le ekeekeaga o Tavite, lona tamana.

Gaoi 2:30

Talie na polofeta a ia, ti na iloa e ia na fakapapau ake e le Atua kiate ia e fakaeke loa e ia se tasi i lona sakoga totonu ki lona ekeekeaga fakasau,

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.