Pesalemo 128:5 - Tosi Tapu

⁵ E tapuaki loa le Eteleno kiate koe mei Sione, Ti e ke tio loa ki le manuia o Selusalemi I aso fuli o lou mauli ;

Pesalemo 128:5 ပူးပေါင်းရင်းမြစ်များ

Pesalemo 118:26

Ke tapuaki leia e au i le suafa o le Eteleno ! E motou tapuaki kia koutou o le fale o le Eteleno.

Pesalemo 122:6

Kotou kole le tokamalie o Selusalemi. Ke fiafia i le malolo latou ala e alofa kiate koe !

Pesalemo 134:3

Ke tapuaki le Eteleno kiate koe mei Sione, A ia leia na fai ia le lagi mo le kele !

Pesalemo 135:21

Mei Sione ke fakafetai ki le Eteleno, Leia e nofo i Selusalemi ! Kotou fakafetai ki le Eteleno !

Pesalemo 20:2

Ke tali a koe e le Eteleno i le aso o le mamae ! Ke puipui a koe e le suafa o le Atua o Sakopo !

Pesalemo 20:3

Ke kakau mai e ia mei le sagatualio le fakamauli kiate koe ! Ke tokoi a ia kiate koe mei Sione !

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 33:20

Tio ki Sione, le kolo o otatou aso lalasi ! E tio loa ou mata ki Selusalemi, nofoaga fimalie, Falela leia e leaise toe siki loa, Leia e leaise toe too loa ona pou i se aso, Ti e leaise toe tatala loa ona maea.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !