Pesalemo 125:4 - Tosi Tapu

⁴ Eteleno, liligi au nea malilie ki le kau agamalie, Ti mo latou ala e loto sako !

Pesalemo 125:4 ပူးပေါင်းရင်းမြစ်များ

Pesalemo 119:68

E ke agamalie ti e ke fai nea malie ; Ako mai kiate au au fakatuutuu !

Pesalemo 119:80

Ke maoki loku loto i le fai o au fakatuutuu, O tupu ke aua na kau apele i le luma !

Pesalemo 32:2

Manuia le tagata leia e leaise lau ki ai e le Eteleno lana agaveli, Ti e leaise maua se kaka i lona loto !

Pesalemo 36:10

Talie e iate koe le matapuna o le mauli. I lou malama e motou tio ai ki le malama.

Pesalemo 51:18

Ka na ke loto ki ni sakilifisio, na kau momoli atu loa latou kiate koe ; Kae e leaise ke fiafia i ni failaulau.

Pesalemo 7:10

Fakagato le kaka a le kau agaveli ! Kae fakatuu ke makeke le tagata agatonu, Atua faitotonu, a koe leia e ului ia a mafu mo ifiifi !

Pesalemo 73:1

Pesalemo a Asafe. Io, e agamalie le Atua ki Iselaele, Kia latou ala e loto mea.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Pesalemo 84:12

Talie ko le Eteleno Atua ko se laa ti ko se paletau : E soli e le Eteleno le kalasia mo le kololia, E leaise fakafiti e ia se nea malie kia latou ala e saele i le maoki.

Pesalemo 94:15

Talie e fai loa le fakamaau o mulimuli ki le faitotonu, Ti e fakamaoki loa ki ai latou fuli ala e agatonu i le loto.

Tagi laulau a Selemia 3:25

E agamalie le Eteleno ki leia e tuku lana amanaki malie kiate ia, Ki le laumalie leia e afa ia a ia.

Soane 1:47

I le tio a Sesu kia Natanaele e au kiate ia, na pati loa a ia kiate ia : Ko leinei se Iselaele maoki, leia e leaise maua fua i ai se fai kaka.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Apokalipisi 14:5

Ti na leaise maua se kaka i olatou gutu, talie e lotou lee mele.