Pesalemo 123:4 - Tosi Tapu

⁴ Kua makona omatou laumalie I gologolo a le kau fia sa, i le vesia a le kau fia taualuga.

Pesalemo 123:4 ပူးပေါင်းရင်းမြစ်များ

Neemia 2:19

I le logo ki ai a Sanepala, le tagata Oloni, mo Topisa, lona oloi, le tagata Amone, ti mo Kesemi, le tagata Alape, na lotou kata fakagologolo loa kia matou, ti na lotou vesia loa kia matou. Na lotou pati : Kolea le nea lena e kotou fai ? Pe kotou loto ke kotou agatuu ki le sau ?

Sopo 12:5

Ko le vaega o leia e mamae ko le vesia ! Ko le tali a ia a latou ala e fimalie ; Io, e lotou tuku le vesia ki leia kua seke lona vae.

Sopo 16:4

Ko au foki, e mafai ke kau masau ofaipe koutou. Ka na kotou nofo i loku nofoaga : E fakamafaia loa koutou ki ni masau, Ti e kau kalokalo loa loku ulu kia koutou.

Pesalemo 119:51

Na nukinuki kiate au ni tagata fia nealasi ; E leaise kau mavae fua i lau lao.

Esaia 32:11

Ke kotou i, fafine fakaauauganoa ! Ke kotou lulu, taineliki fakafulufulumalie ! Ke kotou tatala okoutou kofu, ke kotou telefua, Ti ke kotou tui le taga !

Esaia 32:9

Fafine fakaauauganoa, Kotou tutuu ki aluga, kotou fakalogo mai ki loku leo ! Taineliki fakafulufulumalie, Kotou tokaga mai okoutou taliga ki laku folafola !

Selemia 48:11

Na fimalie Moape talu mei lona ikiiki, Na malolo a ia i lona nofoaga, Na leaise liligi a ia mei se tasi a ipu ki se tasi ake ipu, Ti na leaise ano a ia o popula. Koia na taupau ai e ia lona suamalie, Ti na leaise fetogi ai lona manogi.

Selemia 48:27

Pe na leaise fai Iselaele kiate koe pe se nea fakagologolo ? Pe na ke maua a ia mo le kau kaia, ke ke masau ai kiate ia, o lu lou ulu ?

Selemia 48:29

E motou iloa le fia nealasi o Moape fulumalie, Mo lona fia taualuga, mo lona nekenekea, mo lona matasoka, mo lona fia aliki.

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Gaoi 17:21

Kae, ko le kau Atena katoa mo le kau matapule leia na nonofo i Atena, na lotou matuaki fakaaoga lolatou temi ki le masau mo le fakalogo o logo ala e aumai saele.

Gaoi 17:32

I lalatou logo ki le masau ki le toe tuuake o le kau mate, na gologolo loa a iki, kae na pati loa a iki : Koi motou toe logo loa ki ai i se tasi ake faiaga.

Gaoi 26:24

I lana masau fenaaki ke fakamatatonu a ia, na kalaga loa Fesitusi : Paulo, kua ke valea ! Kua fakauluvale a koe e lou poto lasi.

Uluaki tosi ki le kau Kolinto 4:13

lauvelii, kae motou masau mo le agamalie ; o kaku mai ki le aso leinei, kua motou liliu ko ni penu o le malama nei, ko ni faikauga o tagata fuli.

Uluaki tosi a Samuele 17:42

Na tagaki loa le Filisitini, o tio kia Tavite, ti na nukinuki a ia kiate ia : Talie na koi toe a ia, mo ulu kena, mo mata fulumalie.