Pesalemo 122:9 - Tosi Tapu

⁹ O tupu ko le fale o le Eteleno, lotatou Atua, E kau fai ni fakaamu ki lou manuia.

Pesalemo 122:9 ပူးပေါင်းရင်းမြစ်များ

Uluaki tosi o Koloniko 29:3

Ti e tupu foki ko loku alofa ki le fale o loku Atua, e kau soli ki le fale o loku Atua laku aulo mo laku paaga totonu, kae e leaise lau a nea ala na kau teuteui ki le sagatualio :

Neemia 13:14

Ei loku Atua, ke ke manatui au, o tupu ko le nea lena, ti ke aua na galo iate koe a gaoi malilie ala na kau fai ki le fale o loku Atua, ti mo nea ala e tonu ke taupau !

Neemia 2:10

I le logo ki ai a Sanepala, le tagata Oloni, mo Topisa, lana tagata fakasausau Amone, na la veli ia ai le kaku ake o se tagata ke tokaga ki le malie o fanau a Iselaele.

Esitele 10:3

Talie na olo le Sutea ko Maletoseo ki le sau ko Asuelusi. Na mauiga a ia ki mata o le kau Sutea, ti na alofa kiate ia le toka api o ona fetaina. Na afa loa e ia le malie o lona kakai, ti na masau loa a ia ki le fimalie o lona lanu.

Pesalemo 26:8

Eteleno, e kau alofa ki le fale leia e ke nofo ai, Ki le ganea leia e agai ai lou kololia.

Pesalemo 69:9

Kua kau liliu ko se matapule ki oku fetaina, Ko se nea e leaise iloa ki vosa o loku tinana.

Pesalemo 84:10

Ei Atua, ko koe ko lomatou paletau, Tio mai ki mata o lau filifiliia !

Soane 2:17

Na manatui loa e ana tisipulo e tosi : E kai au e le alofa ki lou fale.