Pesalemo 122:4 - Tosi Tapu

⁴ Ko lena le ganea e pale ki ai a faasiga, a faasiga a le Eteleno, O mulimuli ki le lao o Iselaele, O fakafetai ki le suafa o le Eteleno.

Pesalemo 122:4 ပူးပေါင်းရင်းမြစ်များ

Pesalemo 100:4

Kotou ulu i ona matapa mo ni fakafetai, I ona lotoa mo ni katiko ! Kotou siki a ia, kotou tapuaki ki lona suafa !

Pesalemo 118:19

Kotou fakamavaa mai kiate au a matapa o le faitotonu : E kau ulu loa, e kau fakafetai loa ki le Eteleno.

Pesalemo 132:13

Io, na filifili e le Eteleno a Sione, Na oli a ia ke liliu a ia ko lona nofoaga :

Pesalemo 78:68

Na filifili loa e ia le faasiga o Suta, Le mauga o Sione leia na alofa a ia ki ai.

Pesalemo 81:6

Na fakatuu loa e ia a ia ko se lao kia Sosefo, I le aso leia na saele ai loa a ia o taui le fenua o Esipito… E kau logo ki se leo leia na leaise kau iloa :

Ekesote 16:34

Ti na tuku loa e Alone le ipu mane ki mua o le fakamaoki, o mulimuli ki le fakatotonu leia na fai e le Eteleno kia Moisese.

Ekesote 23:17

E ano tua tolu loa i le fetuu a tagata fuli ki mua o le Aliki, le Eteleno.

Ekesote 32:15

Na toe liliu loa Moisese, o ifo loa mei le mauga, mo fatu e lua o le fakamaoki ala na too e ia i lona lima ; na tosi a fatu i ola fetuu e lua, io, na tosi laua i leia fetuu mo leia fetuu.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 16:16

E tua tolu loa i le fetuu, e ano loa a tagata fuli o lou kakai ki mua o le Eteleno, lou Atua, i le ganea leia e filifili loa e ia : i le aso o pane sala fakatupu, i le aso o le Penikosite, mo le aso o tapenakulo. Ke aua na ano loa ki mua o le Eteleno mo lima ata.