Pesalemo 121:7 - Tosi Tapu

⁷ E taupau loa a koe e le Eteleno i veli fuli, E taupau loa e ia lou laumalie ;

Pesalemo 121:7 ပူးပေါင်းရင်းမြစ်များ

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Uluaki tosi o Koloniko 4:10

Na tagi loa Saepete ki le Atua o Iselaele, o pati : Kapau e ke tapuaki mai loa kiate au, mo ke fakalaulasi loa oku koiga, kapau e kau loa lou lima mo au, ti kapau e ke puipui loa au mei le malaia ke aua na kau nofo i le mamae !… Ti na tali loa e le Atua le nea leia na kole e ia.

Pesalemo 145:20

E taupau e le Eteleno latou fuli ala e alofa kiate ia, Kae e maumaui e ia a tagata agaveveli fuli.

Pesalemo 34:22

E tamate e le malaia le tagata agaveli, Ti e tautea a fili o le tagata agatonu.

Pesalemo 41:2

Manuia leia e tokaga ki le mativa ! I le aso o le malaia e saofaki a ia e le Eteleno ;

Pesalemo 97:10

Koutou ala e alofa ki le Eteleno, kotou vesia ki le veli ! E taupau e ia a laumalie o lana kau agatonu, E saofaki e ia latou i le lima o le kau agaveli.

Taagapati 12:21

E leaise soko se malaia ki le tagata agatonu, Kae e fakaapele loa ki malaia le kau agasala.

Numelo 6:24

Ke tapuaki le Eteleno kiate koe, ti ke taupau e ia a koe !

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Lua tosi kia Timoteo 4:18

Ti e saofaki loa au e le Aliki mei gaoi veveli fuli, ti e fakamauli loa e ia au, o fakaulu ki lona puleaga i le lagi. Kiate ia le kololia i sekulo mo sekulo ! Amene !