Pesalemo 120:4 - Tosi Tapu

⁴ Ko gasau matakakai a le tagata tau, Mo malala kaka o le sene.

Pesalemo 120:4 ပူးပေါင်းရင်းမြစ်များ

Pesalemo 45:5

Io, lou kololia ! - Ke ke malo ; ke ke eke ki lau saliote, Ke ke puipui le maoki, mo le agamalu, mo le faitotonu ! Ti ke sa lou lima atamai i ni gaoi lalasi !

Pesalemo 52:5

E ke manako ake ki le veli i le malie, Ki le loi i le maoki. - Manava.

Pesalemo 57:4

Ti e kakau loa e ia mei le lagi lona saofaki kiate au, Kae lolotoga lauveli kiate au leia e tuli ia au ; - Manava. E kakau mai loa e le Atua lona agamalie mo lona agatonu kiate au.

Pesalemo 59:7

E lotou au i afiafi fuli, e lotou ko ofaipe ni kuli, E lotou foli takai i le kolo.

Pesalemo 7:13

Kapau e leaise tafoki le tagata agaveli, e fakamatakakai e ia lana seleta, E fafao e ia lana kalolo, ti e fakatusitusi e ia a ia ;

Taagapati 11:12

E sala atamai leia e vesia ki lona oloi, Kae e fakalologo leia e atamai.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 11:9

E fakamalaia e le tagata kaka lona oloi ki lona gutu, Kae e saofaki le tagata agatonu e lona poto.

Taagapati 12:22

E fakalialia le Eteleno ki laugutu loi, Kae e malie kiate ia latou ala e gaoi i le maoki.

Taagapati 16:27

E teuteu e le tagata veli ke malaia, Ti e maua i ona laugutu se afi kaka.

Taagapati 18:21

E maua e le alelo le pule ki le mate mo le mauli. Ko leia e alofa ki ai e kai ia loa ona fua.

Taagapati 18:8

Ko masau a le tagata folafola veli e faipe ni lole, E lotou ulu o kaku ki takele o tootooga.

Taagapati 19:5

E leaise sala tautea loa le tagata fakamaoki loi, Ti e leaise sao loa leia e fai ia ni loi.

Taagapati 19:9

E leaise sala tautea loa le tagata fakamaoki loi ; Ti e mate loa leia e gutu loiloi.

Selemia 9:7

Koia leia e masau ai le Eteleno o kau tau, o pati : Ko leinei, e kau oono loa latou, e kau asiasii loa latou, Talie kolea ke fai ki le taine o loku kakai ?

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.