Pesalemo 119:9 - Tosi Tapu

⁹ E fakamea feaki loa e le tupulaga lona ala ? I lana tuku ke taki a ia e lau folafola.

Pesalemo 119:9 ပူးပေါင်းရင်းမြစ်များ

Lua tosi o Koloniko 6:16

I le lakaga nei, Eteleno, Atua o Iselaele, ke ke fakasoko le fakapapau leia na ke fai kia Tavite, loku tamana, o pati : E leaise ke mativa loa i se aso i oku mua i se tagata leia ke nofo i le ekeekeaga fakasau o Iselaele, o fetogi a koe, ko leia fua ke tokaga ou vosa ki olatou ala ti ke lotou saele i laku lao ofaipe lau saele i oku mua.

Sopo 1:5

Ti ka oki a aso fakafiafia, e kakau loa e Sopo ke au kiate ia ona vosa, ke fakamea latou ; e tuu ake loa a ia i le mafoata o momoli ni failaulau o fakatatau ki le lasi o ana fanau ; talie na pati a Sopo : E feala ke agasala oku vosa ti ke lotou masau sala ki le Atua i olatou loto. Ko lena le fai masani a Sopo.

Sopo 13:26

Kolea kua ke tosi ai kiate au ni mamae kona, Ti kua ke fakatuaa ai au ki ni sala o loku temi ikiiki ?

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 17:4

I le tio ki gaoi a tagata, e kau agatonu ki le folafola o ou laugutu, Ti e kau tokaga ki le ala o le kau agamakeke.

Pesalemo 25:7

Ke aua na ke manatui a sala o loku temi tupulaga ti mo aku agasala ; Ke ke manatui au o mulimuli ki lou manava alofa, O tupu ko lou agamalie, ei Eteleno !

Pesalemo 34:11

E pakupaku ti e fia inu a uviki laione, Kae e leaise puli se nea kia latou ala e afa ia le Eteleno.

Taagapati 1:10

Ei loku vosa, kapau e loto loa ni tagata agasala ke ave a koe ki le veli, Aua na ke tali latou.

Taagapati 1:4

Ke soli ai se malama ki le kau vale, Se iloa mo se fakakaukau ki le tama koi eva.

Taagapati 2:11

E leoleo loa a koe e le fakakaukau, E taupau loa a koe e le atamai,

Taagapati 4:1

Ei oku vosa, kotou fakalogo mai ki le akonaki a se tamana, Ti ke kotou tokaga, o tupu ke kotou iloa le poto.

Taagapati 7:7

Na kau tio loa i le kau valelea, Na kau fakatokagai loa i le kau tupulaga se tama sala atamai.

Luka 15:13

Na sili ni ga aso teiki, na tanaki loa e le mulimuli ona koloa fuli, ti na mavae loa a ia o ano ki se fenua mamao, o maumaui ona koloa i se mauli maveuveu.

Soane 15:3

Kua kotou mea foki, o tupu ko le folafola leia kua kau fakasa atu kia koutou.

Tetelonome 17:18

Ka eke loa le sau ki lona ekeekeaga fakasau, ke tosi loa e ia kiate ia, i se tosi, a lao ala e too loa e ia mei lima o le kau Levi faisakilifisio.

Lua tosi kia Timoteo 2:22

Sola mei oli fakavale o le temi tupulaga, ti ke afa le maokioki, mo le tui, mo le alofa, mo le tokamalie mo latou ala e kalaga ki le Aliki i se loto mea.

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.