Pesalemo 119:4 - Tosi Tapu

⁴ Na ke tuku au fakatotonu, Ke tokaga o tausi latou.

Pesalemo 119:4 ပူးပေါင်းရင်းမြစ်များ

Esetalasi 7:21

Ko au, sau ko Aletasese, e kau tuku le fakatotonu ki tagata taupau koloa fuli i le fetuu lena o le vaitafe, ke lotou soli totonu kia Esetalasi, le tagata faisakilifisio mo sekelipa i le lao o le Atua o le lagi, a nea fuli ala e kole atu loa e ia kia koutou,

Ekesote 7:6

Na fai loa e Moisese mo Alone le nea leia na fakatotonu e le Eteleno kia laua : Na la fai loa ki ai.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Esekiele 20:19

Ko au ko le Eteleno, lokoutou Atua. Kotou mulimuli ki aku pelesepeto, ti kotou tausi aku fakatotonu, o fai latou.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Soane 14:15

Kapau e kotou alofa kiate au, kotou fai aku fakatotonu.

Soane 14:21

Ko leia e maua ia aku fakatotonu ti e fai ia latou, ko ia leia e alofa kiate au. Ko leia e alofa kiate au, e alofa loa loku Tamana kiate ia, ti e kau alofa loa mo au kiate ia, ti e kau fakasa loa au kiate ia.

Tetelonome 11:13

Kapau e kotou fakalogo ki aku folafola ala e kau tuku kia koutou i le aso nei, kapau e kotou alofa ti mo kotou tausi le Eteleno, lokoutou Atua, i lokoutou loto katoa mo lokoutou laumalie katoa,

Tetelonome 11:22

Talie kapau e kotou tausi loa a folafola fuli anei e kau tuku atu kia koutou, ti kapau e kotou alofa loa ki le Eteleno, lokoutou Atua, ti kapau e kotou saele loa i ona ala fuli, ti kapau e kotou pipiki loa kiate ia toka tasi,

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 6:17

Kae ke kotou tausi malie loa a folafola a le Eteleno, lokoutou Atua, mo lao mo lekula ala na fakatotonu atu e ia kia koutou.

Tetelonome 6:3

Koia ke ke fakalogo loa kia latou, Iselaele, ti ke ke fai loa latou, o tupu ke ke manuia ti mo ke liuliuga o api, ofaipe lona fakasa e le Eteleno, le Atua o ou tamana, o fakapapau atu kiate koe se fenua leia e sali ai le sua manu mo le sua meli.

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Uluaki tosi a Soane 5:3

Talie ko leinei le alofa ki le Atua, ko le fai o ana fakatotonu ; ti e leaise faigataa ana fakatotonu kia tatou,