Pesalemo 119:2 - Tosi Tapu

² Manuia latou ala e tausi ia ana pelesepeto, Ala e afa ia a ia i lolatou loto katoa,

Pesalemo 119:2 ပူးပေါင်းရင်းမြစ်များ

Uluaki tosi o Sau 2:3

Tausi a fakatotonu a le Eteleno, lou Atua, o ke saele i ona ala, ti mo taupau ana lao, mo ana fakatotonu, mo ana fakamaau, ti mo ana pelesepeto, o mulimuli ki le nea leia e tuu i le lao a Moisese, o tupu ke ke manuia i nea fuli ala e ke fai loa, ti mo ganea fuli ala e ke maliu loa ki ai,

Uluaki tosi o Koloniko 22:19

Ke kotou afa fakamalotoloto i le lakaga nei le Eteleno lokoutou Atua, i lokoutou laumalie katoa ; kotou tutuu ki aluga, ti kotou fakatuu le sagatualio o le Eteleno Atua, o tupu ke kotou aumai le aleka o le sai a le Eteleno mo nea gaoi ala na fakatapui ki le Atua ki le fale leia e laga loa i le suafa o le Eteleno.

Lua tosi o Koloniko 31:21

Na gaoi loa a ia i lona loto katoa, ti na manuia loa a ia i nea fuli ala na fai e ia, i lana aga o afa lona Atua o uiga mo le tausi o le fale o le Atua, mo le lao, ti mo fakatotonu.

Pesalemo 105:45

O tupu ke lotou tausi ana fakatotonu Ti ke lotou fai ana lao. Kotou fakafetai ki le Eteleno !

Pesalemo 119:10

E kau afa a koe i loku loto katoa : Aua na ke tuku au ke sese o mamao i au folafola !

Pesalemo 119:101

E kau taofi loku vae ke mamao i ala veveli fuli, O tupu ke kau tausi lau folafola.

Pesalemo 119:115

Kotou fakamamao atu iate au, kau agaveli, O tupu ke kau tausi a folafola o loku Atua !

Pesalemo 119:146

E kau tagi kiate koe : saofaki au, O tupu ke kau fai lou finegalo !

Pesalemo 119:17

Fakasa lou agamalie ki lau tagata fakasausau, o tupu ke kau mauli Ti ke kau tausi lau folafola !

Pesalemo 119:22

Too atu iate au le luma mo le vesiaina ! Talie e kau tausi au pelesepeto.

Pesalemo 119:33

Eteleno, ako mai kiate au le ala o au lekula, O tupu ke kau taofi a ia o kaku ki le fakaoki !

Pesalemo 119:34

Soli mai kiate au le atamai, o tupu ke kau tausi lau lao, Ti ke kau fai a ia i loku loto katoa !

Pesalemo 119:57

Ko loku vaega, ei Eteleno, e kau fakasa : Ko le tausi o au folafola.

Pesalemo 119:69

E fakakaukaui e ni tagata fia nealasi ni loi kiate au ; Ko au, e kau tausi au fakatotonu i loku loto katoa.

Pesalemo 119:88

Toe soli mai kiate au le mauli o mulimuli ki lou agamalie, O tupu ke kau tausi a pelesepeto o lou gutu !

Pesalemo 25:10

Ko ala fuli o le Eteleno e manava alofa ti e agatonu Kia latou ala e tausi ia lana sai mo ana folafola.

Taagapati 23:26

Ei loku vosa, soli mai lou loto, Ti ke fiafia ou mata i oku ala.

Selemia 29:13

E kotou afa loa au, ti e kotou maua loa au, mo kapau e kotou afa au i lokoutou loto katoa.

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Tetelonome 4:29

I lena foki, e ke toe afa loa le Eteleno, lou Atua ; ti e ke maua loa a ia, mo kapau e ke afa loa a ia i lou loto katoa mo lou laumalie katoa.

Tetelonome 6:17

Kae ke kotou tausi malie loa a folafola a le Eteleno, lokoutou Atua, mo lao mo lekula ala na fakatotonu atu e ia kia koutou.

Tetelonome 6:5

Ke ke alofa loa ki le Eteleno, lou Atua, i lou loto katoa, mo lou laumalie katoa, mo lou makeke katoa.

Uluaki tosi a Soane 3:20

Talie kapau e fakalakasala tatou e otou loto, e lasi ake le Atua i otou loto, ti e iloa e ia a nea fuli.