166 Ei Eteleno, e kau amanaki malie ki lau fakamauli, Ti e kau tausi au folafola.
E kau fanaki ki le Eteleno, ko loku tokoi !
Ei Eteleno, e kau oli mamae ki lau fakamauli ! Ti ko lau lao e fai ia oku fiafiaaga.
E oli mamae loku laumalie ki lou fakamauli ; E kau amanaki malie ki lau fakapapau.
Ke kotou lulu, ti ke aua na kotou agasala ; Ke kotou masau i okoutou loto i okoutou moeaga, ti kotou fakalologo. - Manava.
Ko leia e momoli ia ni sakilifisio ko ni fakafetai e fakakololia kiate au ; Ti ko leia e tokaga ki lona ala, E kau fakatio loa a ia ki le fakamauli o le Atua.
E malie ke talitali fakalologo Ki le tokoi a le Eteleno.
Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.