Pesalemo 119:144 - Tosi Tapu

¹⁴⁴ Ko au pelesepeto e totonu o lee gato : Soli mai kiate au le atamai, o tupu ke kau mauli !

Pesalemo 119:144 ပူးပေါင်းရင်းမြစ်များ

Pesalemo 119:138

E fakatuu au pelesepeto i le faitotonu Ti mo le agatonu lasi oki.

Pesalemo 119:151

Ei Eteleno, e ke ofi mai kiate au ! Ti e maoki au folafola fuli.

Pesalemo 119:152

Talu mei fualoa e kau iloa au pelesepeto Na ke fakatuu latou ki le lee gato.

Pesalemo 119:169

Ei Eteleno, ke kaku atu kiate koe laku tagi ! Soli mai kiate au le atamai, o mulimuli ki lau fakapapau !

Pesalemo 119:17

Fakasa lou agamalie ki lau tagata fakasausau, o tupu ke kau mauli Ti ke kau tausi lau folafola !

Pesalemo 119:34

Soli mai kiate au le atamai, o tupu ke kau tausi lau lao, Ti ke kau fai a ia i loku loto katoa !

Pesalemo 119:66

Ako mai kiate au le poto mo le atamai, Talie e kau tui ki au folafola.

Pesalemo 119:73

Ko ou lima na fakatupu ia au, na lotou fau au ; Soli mai kiate au le atamai, o tupu ke kau ako au folafola !

Pesalemo 19:9

E totonu fakatotonu a le Eteleno, e lotou fakafiafia ia le loto. E mea lao a le Eteleno, e lotou fakamalama ia a mata.

Taagapati 10:21

E fagai e laugutu o le tagata agatonu se toka api, Kae ko tagata valelea e mamate o tupu ko lolatou sala atamai.

Taagapati 4:4

I le temi lena, na ako e ia au, ti na pati a ia kiate au : Ke fakamaumau e lou loto aku masau ; Taupau aku pelesepeto, ti e ke mauli loa.

Taagapati 7:2

Tausi aku pelesepeto, ti e ke mauli loa ; Taupau aku akonaki ofaipe le fa tiloga o ou fa mata.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Taniela 12:10

E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Mateo 13:19

Ka logo se tagata ki le folafola o le Puleaga kae e leaise matala a ia ki ai, e au le pule veli o too le nea leia na muluki i lona loto : Ko le tagata lena leia na tali ia le fakaili i tafatafa o le ala.

Mateo 5:18

Talie e kau fakasa maoki atu kia koutou, e leaise puli loa le kele mo le lagi kae e leikiaise fakasoko a ga puani fuli ti mo ga matai tosi fuli o le lao.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.