Pesalemo 119:1 - Tosi Tapu

¹ Manuia latou ala e saosaoa i lolatou ala Ala e saele o mulimuli ki le lao a le Eteleno !

Pesalemo 119:1 ပူးပေါင်းရင်းမြစ်များ

Lua tosi a Samuele 22:22

Talie na kau tausi a ala o le Eteleno, Ti na leaise kau agasala ki loku Atua.

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Sopo 1:8

Na pati loa le Eteleno kia Satana : Pe kua ke tokagai laku tagata fakasausau ko Sopo ? E leaise tatau se tasi mo ia i le malama nei ; ko se tagata saosaoa mo agatonu, mo i ki le Atua, ti mo fakamamao mei le veli.

Pesalemo 101:2

E kau tokaga loa ki le ala sako. Pe ke au loa afea kiate au ? E kau saele loa i le maoki o loku loto, I loto malie o loku fale.

Pesalemo 101:6

E tuku loa oku mata ki le kau agatonu o le fenua, O tupu ke lotou nonofo i oku tafa ; Ko leia e saele i se ala saosaoa e liliu loa ko laku tagata fakasausau.

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Taagapati 11:20

E vesia le Eteleno kia latou ala e loto pikopiko, Kae e malie kiate ia latou ala e saele i le ala totonu.

Taagapati 13:6

E taupau e le faitotonu leia e sako lona ala, Kae e fakatupu e le agaveli le maumau o le tagata agasala.

Taagapati 29:18

Ka e leaise i ai se folafola kikite mei le Atua, e mauli fakavale le kakai ; Manuia le kakai leia e tausi ia le lao a le Eteleno !

Esekiele 11:20

O tupu ke lotou mulimuli i aku fakatotonu, Ti ke lotou tausi mo fai aku lao ; Ti e lotou liliu loa ko loku kakai, ti e kau liliu loa ko lolatou Atua.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Soane 1:47

I le tio a Sesu kia Natanaele e au kiate ia, na pati loa a ia kiate ia : Ko leinei se Iselaele maoki, leia e leaise maua fua i ai se fai kaka.

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Gaoi 24:16

Ti e kau faiga ke kau maua tuumau se loto mea i mua o le Atua mo mua o le tagata.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !