Pesalemo 118:27 - Tosi Tapu

²⁷ E Atua le Eteleno, ti e fakamalama e ia tatou. Kotou sai le vikitima ki ni va, Kotou aumai a ia ki tala o le aletale !

Pesalemo 118:27 ပူးပေါင်းရင်းမြစ်များ

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Uluaki tosi o Sau 18:39

I le tio loa a le kakai ki le nea lena, na lotou tulolo fuli loa ki le kele, o pati : Ko le Eteleno leia e Atua ! Ko le Eteleno leia e Atua !

Uluaki tosi o Koloniko 29:21

I leia ake a aso, na lotou momoli loa ni sakilifisio mo ni failaulau ki le Eteleno, ko pipi tagata e afe, mo ovi tagata e afe, mo akeno e afe, mo moliga lolo masani, mo iki ake sakilifisio mauke ai o uiga mo Iselaele katoa.

Esitele 8:16

Ti na apele loa le kau Sutea i le manuia mo le fiafia, i le nekenekea mo le kololia.

Pesalemo 18:28

E ke fakamauli le kakai leia e fakataulalo, Ti e ke tuku ki lalo a mata fia nealasi.

Pesalemo 37:6

E fakasa loa e ia lou agatonu ofaipe le malama, Ti mo lou faitotonu ofaipe le laa i le lalatea.

Ekesote 27:2

E ke fai loa, i tifi e fa o le aletale, ni tala ala e ulu ake mei le aletale ; ti e ke aofi loa a ia ki le sila.

Ekesote 38:2

Na fai loa e ia, i tifi e fa, ni tala ala na ulu mei le aletale, ti na kofu loa e ia le aletale ki le sila.

Esaia 60:1

Tuu ki aluga, ke ke gigila, talie kua soko mai lou malama, ti kua sopo le kololia o le Eteleno kiate koe.

Esaia 9:2

Kua ke fakaliliu le kakai o toka api, Kua ke tuku kiate ia se fiafia lasi ; Kua fiafia a ia i ou mua, ofaipe le fiafia i le tuuti o le fulumeto, Ofaipe le kalaga fakafiafia i le vae o koloa o le tau.

Mikea 7:9

E kau kataki loa le sausau o le Eteleno, O tupu na kau agasala kiate ia, O kaku ki le lakaga e puipui ai loa e ia au ti e fakatonu ia loa e ia au ; E taki loa e ia au ki le malama, Ti e kau tio loa ki lona faitotonu.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,