Pesalemo 118:24 - Tosi Tapu

²⁴ Ko leinei le aso leia na fakatuu e le Eteleno : Ke liliu a ia kia tatou ko se tupuaga o le fiafia mo le nekenekea !

Pesalemo 118:24 ပူးပေါင်းရင်းမြစ်များ

Uluaki tosi o Sau 8:66

I le valu o aso, na kakau loa e Salomone le kakai ; ti na lotou tapuaki loa ki le sau, ti na lotou tasi ano loa ki lona falela i le loto nekenekea mo le loto fiafia o tupu ko nea malilie fuli ala kua fai e le Eteleno kia Tavite, lana tagata fakasausau, ti mo Iselaele, lona kakai.

Neemia 8:10

Na lotou pati loa ki le kakai : Kotou ano, kotou kai ni inati malilie, ti kotou inu ni nea inu malilie, ti kotou ave ni vaega kia latou ala na leaise teuteui ia se nea kai, talie ko le aso leinei kua fakatapui ki lotatou Aliki ; aua na kotou loto mamae, talie ko le fiafia o le Eteleno ko lokoutou makekeaga.

Pesalemo 84:10

Ei Atua, ko koe ko lomatou paletau, Tio mai ki mata o lau filifiliia !

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Sakalia 3:9

Talie ko leinei, kua kau fakatuu se fa fatu i mua o Sosue ; ti e i ai ni fa mata e fitu i le fa fatu lena e tasi ; e kau togi loa i ai, e au totonu, le nea leia e tonu ke togi i ai, e folafola le Eteleno o kau tau, ti e kau too loa le agasala a le fenua leinei, i se aso e tasi.

Gaoi 20:7

I le uluaki aso o le vasaa, na motou fakatasi loa ki le tofitofi o le pane. Ti na akonaki loa Paulo kia latou ; na tonu ke mavae a ia i leia ake a aso, ti na akonaki loa a ia o kaku ki le vaeluapo.

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,