Pesalemo 118:22 - Tosi Tapu

²² Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Pesalemo 118:22 ပူးပေါင်းရင်းမြစ်များ

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Sakalia 4:7

Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Mateo 21:42

Na pati loa Sesu kia latou : Pe na leaise kotou lau i le Tosi : Ko le fa fatu leia na tiaki e le kau tufuga Kua liliu ko le fatu tafito o le agele ; Ko le nea lena e au mei le Aliki, Ti ko se nea fakaofolele ki otatou mata ?

Luka 20:17

Kae, na tio loa Sesu kia latou, o pati : Kolea le uiga o le folafola leinei e tuu i le Tosi : Ko le fatu leia na tiaki e le kau tufuga Kua liliu ko le fatu tafito o le agele ?

Gaoi 4:11

Ko Sesu Ko le fatu leia na tiaki e koutou ala na laga ia, Ti kua liliu a ia ko le fatu tafito o le agele.