Pesalemo 116:9 - Tosi Tapu

⁹ E kau saele loa i mua o le Eteleno, I le kele o le kau mauli.

Pesalemo 116:9 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Uluaki tosi o Sau 2:4

o tupu ke fakasoko e le Eteleno le folafola leinei na fai e ia kiate au : Kapau e tokaga loa ou vosa ki olatou ala, o saele agatonu i oku mua, i lolatou loto katoa, ti mo lolatou laumalie katoa, e leaise ke toe mativa tagata loa i ou muli, ke ekeeke i le ekeekeaga fakasau o Iselaele.

Uluaki tosi o Sau 8:25

I le lakaga nei, Eteleno, Atua o Iselaele, fai ki lau tagata fakasausau ko Tavite, loku tamana, le fakapapau, o pati : E leaise ke mativa loa i se aso i se tagata ke ekeeke i le ekeekeaga fakasau o Iselaele i oku mua, mo kapau e tokaga loa ou vosa ki olatou ala ti mo lotou saele loa i loku agai ofaipe lau saele i loku agai.

Uluaki tosi o Sau 9:4

Ti ko koe, kapau e ke saele loa i oku mua ofaipe le saele a Tavite, lou tamana, i le loto sako mo le agatonu, ke fai a nea fuli ala na kau fakatotonu kiate ia, ti kapau e ke taupau aku lao mo aku fakatotonu,

Pesalemo 27:13

Io ! Ka na leaise kau iloa pau e kau tio loa ki le agamalie o le Eteleno I le kele o le kakai mauli !…

Pesalemo 61:7

Ke ke fakalasi a aso o le sau ; Ke tologa ona fetuu i tautupu mo tautupu !

Esaia 53:8

Na ave a ia e le mamae mo le tautea ; Ti ko ai i lona tautupu na tui Na tuuti a ia i le kele o le kau mauli, Ti na taai a ia o tupu ko agasala o loku kakai ?

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Luka 1:75

Ti ke tou saele i ona mua i le maokioki mo le faitotonu i aso fuli o lotatou mauli.