Pesalemo 116:5 - Tosi Tapu

⁵ E manava alofa le Eteleno mo faitotonu, E apele lotatou Atua i le loto alofa.

Pesalemo 116:5 ပူးပေါင်းရင်းမြစ်များ

Esetalasi 9:15

Eteleno, Atua o Iselaele, e ke faitotonu, talie koi mauli ni iki o matou i le aso nei. Ko nei matou i ou mua ko ni tagata agasala, kae na leaise tonu ke motou tutuu i ou mua.

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Neemia 9:31

Kae i lou manava alofa lasi, na leaise ke pulii latou, na leaise ke tiaki oki latou, talie ko koe ko se Atua agamalie mo manava alofa.

Neemia 9:33

Na ke faitotonu i nea fuli ala na soko kia matou, talie na ke agatonu kae na motou fai le nea leia e veli.

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Pesalemo 103:8

E manava alofa le Eteleno mo loto alofa, E kataki fualoa a ia mo agamalie ;

Pesalemo 112:4

E sopo le malama i le fakapouli ki le kau agatonu, Ki leia e manava alofa, mo loto alofa, ti mo faitotonu.

Pesalemo 115:1

Aua na tuku kia matou, Eteleno, aua na tuku kia matou, Kae ki lou suafa ke tuku le kololia, O tupu ko lou agamalie, o tupu ko agatonu !

Pesalemo 119:137

E ke faitotonu, ei Eteleno ! Ti e maoki au fakamaauaga.

Pesalemo 145:17

E faitotonu le Eteleno i ona ala fuli, Ti e manava alofa a ia i ana gaoi fuli.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Taniela 9:14

Koia kua taupau ai e le Eteleno le malaia lena, o kakau mai kia matou ; talie e faitotonu le Eteleno, lomatou Atua, i nea fuli ala na fai e ia, kae na leaise motou fakalogo ki lona leo.

Taniela 9:7

A au, Aliki, le faitotonu, kae a matou le luma i le aso nei, a tagata o Suta, mo le kakai o Selusalemi, ti mo Iselaele katoa, latou ala e nofo feofi mo latou ala e nofo mamao, i fenua fuli ala kua ke kapu latou ki ai, o tupu ko agatuu fuli ala na lotou agasala ai kiate koe.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Efeso 2:4

Kae ko le Atua, leia e mou koloa i le manavaalofa, o tupu ko le alofa lasi leia na alofa ai a ia kia tatou,

Uluaki tosi kia Timoteo 1:14

ti na lasi ai le kalasia o lotatou Aliki, mo le tui ti mo le alofa leia e maua ia Sesu-Kilisito.

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.