Pesalemo 115:4 - Tosi Tapu

⁴ Ko taulaatua o atu puleaga ko le aulo mo le paaga, Ko gaoiaga latou o le lima o le tagata.

Pesalemo 115:4 ပူးပေါင်းရင်းမြစ်များ

Uluaki tosi o Sau 18:26

Na lotou too loa le pipi tagata leia na soli loa kia latou, o lotou teuteui loa a ia ; ti na lotou kalaga loa ki le igoa o Paale, mei le usu o kaku ki le lalatea, o pati : Paale, tali mai kia matou ! Kae na leaise logo loa ki se leo, pe tali mai loa se tasi. Ti na lotou soposopo loa i mua o le aletale leia na lotou fai.

Uluaki tosi o Sau 18:29

I le sili loa o le lalatea, na lotou folafola fakakikite loa o kaku ki le lakaga leia e momoli ai le failaulau. Kae na leaise logo fua ki se leo, mo se tali, ti mo se fakamailoga.

Lua tosi o Sau 19:18

ti na lotou laku olatou atua ki le afi ; kae e leaise ko ni atua maoki latou, ko ni gaoiaga a lima o tagata, ko ni laakau mo ni fatu ; koia leia na lotou maumaui ai latou o puli noa.

Lua tosi o Koloniko 32:19

Na lotou masau loa ki le Atua o Selusalemi ofaipe ni atua o kakai o le kele, gaoiaga o lima o tagata.

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Esaia 42:17

E lotou solomuli loa, e lotou luma loa, Latou ala e fanaki ki taulaatua ta, Latou ala e pati ki taulaatua ukamea saka : Ko koutou ko omatou atua !

Esaia 44:10

Ko ai kua fau ia se atua, pe kua saka ia se taulaatua ukamea, Kae e leai sona ga aoga fua kiate ia ?

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 44:9

Ko latou fuli ala e fau ia ni taulaatua ko nea noa, Ti e leaise aoga alatou gaoi fulumalie fuli ; E lotou fakamaoki totonu : E leaise lotou tio, e leai solatou atamai, O tupu ke lotou luma.

Taniela 3:5

Ka kotou logo loa ki le leo o nea fai musika, mo le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, e kotou punou loa ti e kotou atolasio loa ki le fakatata aulo leia na fakatuu e le sau ko Nepukatenesale.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Oseo 8:6

E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Gaoi 19:26

kae kua kotou tio ti kua kotou logo, i Efeso mo Asia katoa, kua fakalotoi mo toso e le Paulo lena se kakai toka api ai, o pati ko atua ala na fau e le lima o le tagata, e leaise ko ni atua latou.

Gaoi 19:35

Kae na lolomi loa le kakai e le sekalaipe o le kolo, o pati : Tagata Efeso, ko ai le tagata leia e leaise iloa ia e taupau e le kolo ko Efeso le fale tapu o le Aletemisi lasi, ti mo lona fakatata leia na vilo mei le lagi ?

Tetelonome 4:28

I lena, e kotou tausi loa ki ni atua, ko gaoiaga o lima o le tagata, ko ni potu laakau mo ni fatu, ala e leaise feala ke tio, mo logo, mo kai, mo nanamu.