Pesalemo 115:14 - Tosi Tapu

¹⁴ E liuliuga loa e le Eteleno ona kalasia kia koutou, Kia koutou mo akoutou fanau.

Pesalemo 115:14 ပူးပေါင်းရင်းမြစ်များ

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Lua tosi a Samuele 24:3

Na pati loa Soape ki le sau : Ke liuliuga e le Eteleno, lou Atua, le kakai o tua kau lelau, ti ke tio ki ai a mata o le sau, loku aliki ! Kae kolea kua loto ai le sau, loku aliki, ke fai le nea lena ?

Esaia 27:6

I temi ka au, e tauaka loa Sakopo, E toe sosomo loa ni se i Iselaele ti mo ni uli, Ti e fakaapele loa e ia le malama nei ki ona fua.

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Selemia 30:19

E malaga ake loa ia latou ni fakafetai, Ti mo ni kalaga fakafiafia ; E kau liuliuga loa latou, ti e leaise lotou toe lavaki loa ; E kau fakamauiga loa latou, ti e leaise fakanoai loa latou.

Selemia 33:22

Ofaipe le one o le tai, leia e leaise mafai ke fuafua, Ti mo fetuu o le lagi, ala e leaise mafai ke lau, E kau liuliuga loa le sakoga o Tavite, laku tagata fakasausau, Ti mo le kau Levi leia e fai ia loku tausi.

Sakalia 10:8

E kau vekai ia loa latou ti e kau fakatasi loa latou, talie e kau totogi latou, Ti e lotou liuliuga loa ofaipe le temi mua.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Gaoi 3:25

Ko vosa koutou o le kau polofeta ti mo le fakapapau leia na fai e le Atua mo otatou tamana, i lana pati kia Apalaamo : E tapuakina loa a famili fuli o le malama nei i lou sakoga.

Tetelonome 1:11

Ke alofa le Eteleno, le Atua o okoutou tamana, o fakaapi koutou ke liuga tua afe ti mo tapuakii koutou o mulimuli ki lana fakapapau !

Apokalipisi 7:4

Ti na kau logo loa ki le lau o latou ala na fakamailoga ki le fakamau a le Atua, ko le tino lelau tino fa tupu fa afe, mei faasiga fuli o vosa o Iselaele :

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.