Pesalemo 112:9 - Tosi Tapu

⁹ E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Pesalemo 112:9 ပူးပေါင်းရင်းမြစ်များ

Pesalemo 111:3

E logologona mo fakakololia lana gaoi, Ti e tuu lou faitotonu o lee gato.

Pesalemo 112:3

E maua e ia i lona fale le koloa mo le kololia, Ti e tuu lona faitotonu o lee gato.

Pesalemo 75:10

E kau fakasa loa a nea ana o lee gato ; E kau sua loa le mauiga o le Atua o Sakopo.

Pesalemo 92:10

Talie ko leinei, ko ou fili, ei Eteleno ! Talie ko leinei, e mamate ou fili ; Ko latou fuli ala e fai i le veli e fakamavetevete loa.

Pesalemo 92:11

Kae e ke soli mai kiate au le makeke o le pipi vao ; E takai au ki se lolo foou.

Taagapati 14:24

Ko le koloa ko se pala ki le kau poto ; Kae ko le valea o le kau vale e tuu mau aifai ko le valea.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taagapati 21:26

I le aso katoa e maua e ia ni oli ; Kae ko le tagata agatonu e solisoli, sala fuafua.

Ekelesiasi 11:6

Muluki lau fakaili mei le usu, ti aua na tuku ke malolo lou lima i le afiafi ; talie e leaise ke iloa le nea leia e mauli malie loa, leinei pe ko leia, pe ko laua toka lua.

Ekelesiasi 3:6

se temi ke afa ai, ti mo se temi ke puli ai ; se temi ke taupau ai, ti mo se temi ke tiaki ai ;

Esaia 32:8

Kae ko leia e agamalie e fai ia ni fakakaukau malilie, Ti e kataki a ia i ana fakakaukau malilie.

Esaia 58:10

Ti kapau e ke soli le pane leia e ke kai ki leia e fia kai, Kapau e ke fakamakeke le loto e mamae, E sopo ake loa lou malama i le fakapouli, Ti e fai loa ou fakapouli pe le lalatea.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Mateo 6:4

o tupu ke fai fakafufu lou nea alofa ; ti e toe liufaki atu loa a ia kiate koe e lou Tamana leia e tio i le ganea fakapulipuli.

Maleko 14:7

Talie e kotou maua tuumau le kau mativa, ti e mafai ke kotou fai kia latou se nea malie mo ka kotou loto ki ai, kae e leaise kotou maua tuumau au.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 16:9

Ti ko au, e kau pati atu loa kia koutou : Kotou fai ni okoutou kaukau nea ki koloa fakamalama, o tupu ke lotou tali koutou i nofoaga lee gato, mo ka puli loa a koloa ana.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Soane 13:29

Kae, o tupu na nofo Sutasi mo le kisi paaga, na manatu ni iki na fia pati Sesu kiate ia : Totogi le nea leia e aoga mai kia tatou ki le aso lasi, pe na fakatotonu e ia kiate ia ke soli se nea ki le kau mativa.

Gaoi 20:35

Ti na kau fakasa kia koutou i nea fuli ana, e tonu ke kotou gaoi fenaaki, o tokoi ki le kau mativa, ti mo manatui a folafola a le Aliki, leia na pati totonu : E manuia lasi ake le soli i le tali.

Gaoi 4:35

o tuku ki vae o le kau apositolo ; ti na fai loa ni tufa kia latou taki toka tasi o mulimuli ki le nea leia e aoga kiate ia.

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Tetelonome 15:11

E maua tuumau loa ni mativa i lou fenua ; koia leia e kau tuku atu ai kiate koe le lao leinei : e ke fakamavaa lasi loa lou lima ki lou taina, mo le fakaaloalofa, mo le mativa i lou fenua.

Tetelonome 15:14

Kae e ke soli loa kiate ia ni nea i nea fuli ala na tuku fakaalofa atu kiate koe e le Eteleno, lou Atua : ni ovi, mo ni koti, mo se fulumeto, mo se vino.

Tetelonome 24:13

ke ke fakaliliu a ia kiate ia i le vilo o le laa, o tupu ke moe a ia i lona taupulupulu ti ke tapuaki a ia kiate koe : e liliu loa le nea lena kiate koe ko se gaoi malie i mua o le Eteleno, lou Atua.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Apokalipisi 22:11

Ko leia e agaveli ke soko atu lana agaveli, ko leia e kelekele ke soko atu lana kelekele ; ti ko leia e agatonu ke soko atu lana agatonu, ti ko leia e maokioki ke soko atu lana maokioki.

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.