Pesalemo 112:7 - Tosi Tapu

⁷ E leaise tuania e ia ni logo veveli ; E makeke lona loto, o fanaki ki le Eteleno.

Pesalemo 112:7 ပူးပေါင်းရင်းမြစ်များ

Sopo 11:15

Ti e ke lagai ake loa lou lae sala mafetefete, Ti e ke tuu makeke loa, sala i ;

Pesalemo 118:6

E kau le Eteleno mo au, e leaise kau i ki se nea : Kolea e mafai ke fai mai e tagata kiate au ?

Pesalemo 34:4

Ke kotou siki mo au le Eteleno ! Ke tou vikiviki fakatasi ki lona suafa !

Pesalemo 49:6

Kolea e kau i ai loa i le aso o le malaia, Mo ka takatakai au e le agaveli o oku fili ?

Pesalemo 57:7

Na lotou folasi se kupega i oku vae ; Na mapelu ki lalo loku laumalie. Na lotou kenu se popoko i oku mua, Na lotou vivilo ki ai. - Manava.

Pesalemo 62:8

I le Atua e malolo ai loku fakamauli mo loku kololia ; Ko le utu o loku makeke mo loku ulufaga e nofo i le Atua.

Pesalemo 64:10

Ko tagata fuli kua maua e le i, E lotou fakasa le nea leia na fai e le Atua, Ti e lotou tokaga ki lana gaoiaga.

Taagapati 1:33

Kae ko leia e fakalogo kiate au e malolo loa i le tokamalie, E mauli loa a ia i le fimalie ti e leaise toe tuania loa e ia se nea veli.

Taniela 3:16

Na tali loa Satalake, mo Mesake, mo Apeteneko ki le sau ko Nepukatenesale : E leaise aoga ke motou tali atu kiate koe o uiga mo le nea lena.

Luka 21:19

Kapau e kotou kataki fualoa, ti e kotou saofaki loa okoutou laumalie.

Luka 21:9

Ka kotou logo loa e masau ki ni tau mo ni maveuveu, aua na kotou i, talie e tonu ke soko a nea ana i mua. Kae e leaise ko le fakaoki loa a ia.

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 21:13

Ti na tali loa Paulo : Kolea e kotou fai ia, o fetagisi ke fatii ai loku loto ? Talie kua kau teuteu, o leaise gato fua ke saisai au, kae ke kau toe mate foki i Selusalemi o tupu ko le suafa o le Aliki ko Sesu.

Gaoi 27:25

Koia ei kau tagata, ke kotou loto makeke talie e kau tui ki le Atua, e soko loa ofaipe lona fakasa mai kiate au.