Pesalemo 110:4 - Tosi Tapu

⁴ Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 110:4 ပူးပေါင်းရင်းမြစ်များ

Senesi 14:18

Na fakatotonu loa e Melekiseteke, sau o Salemi, ke avake se pane mo se vino : na pelepitelo a ia o le Atua Taualuga.

Pesalemo 132:11

Na fakapapau le Eteleno kia Tavite i le maoki, E leaise toe liliu loa a ia ki muli : E kau fakaeke loa i lou ekeekeaga fakasau se fua o lou manava.

Sakalia 6:13

E fakatuu loa e ia le fale tapu o le Eteleno ; e tau loa e ia a fakamailoga o le pule fakasau ; e ekeeke loa a ia i lona ekeekeaga fakasau o pule ki le kakai ; e faisakilifisio loa a ia i lona ekeekeaga fakasau, ti e fakatasi malie loa a nea ana e lua iate ia.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Epelo 5:6

E toe pati foki a ia i le tasi ake ganea : E ke pule fai sakilifisio o lee gato, Omulimuli ki le faasiga o Melekiseteke.

Epelo 6:20

i le ganea leia kua ulu ki ai Sesu ofaipe se tagata kua muamua kia tatou, leia kua fakanofo ko le pule fai sakilifisio o lee gato, o mulimuli ki le faasiga o Melekiseteke.

Epelo 7:11

Koia kanapau na mafai ke maua le malie tukupau i le tulaga fakapelepitelo o le kau Levi - talie ko le tulaga fakapelepitelo lena e tuu ai le lao leia na soli ki le kakai - kolea na aoga ai loa ke toe sa se tasi ake tagata fai sakilifisio o mulimuli ki le faasiga o Melekiseteke kae leaise mulimuli ki le faasiga o Alone ?

Epelo 7:17

talie kua tuku kiate ia le fakamaoki leinei : Ko le tagata fai sakilifisio a koe o lee gato, Omulimuli ki le faasiga o Melekiseteke.

Epelo 7:21

talie na soko le kau Levi ko tagata fai sakilifisio sala fakapapau, kae na soko Sesu ko le tagata fai sakilifisio i leia na pati kiate ia : Kua fakapapau le Aliki, ti e leaise toe fakasemala loa a ia : Eke tagata fai sakilifisio o lee gato, Omulimuli ki le faasiga o Melekiseteke ;

Epelo 7:28

Talie e fakanofo e le lao ke pule fai sakilifisio ni tagata gaegaeia ; kae ko le folafola o le sai, leia na fai i muli o le lao, na fakanofo ia le Alo leia e malie tukupau o lee gato.

Apokalipisi 1:6

ti na fakasoko ia tatou ko se puleaga, mo ni tagata fai sakilifisio ki le Atua lona Tamana, kiate ia le kololia mo le mafimafi, i sekulo mo sekulo ! Amene !