Pesalemo 110:3 - Tosi Tapu

³ E apele lou kakai i le makeke, Mo ka ke fakatasi lau kau tau ; Mo ni kofu tapu, mei le manava o le mafoata E au kiate koe lau kau tupulaga ofaipe se sasau.

Pesalemo 110:3 ပူးပေါင်းရင်းမြစ်များ

Uluaki tosi o Koloniko 16:29

Ke kotou tuku le kololia ki le Eteleno o tupu ko lona suafa ! Ke kotou ave ni moliga ti kotou au ki lona agaiaga, Ke kotou atolasio ki le Eteleno mo ni teu taputapu !

Neemia 11:2

Na tapuaki loa le kakai kia latou fuli ala na loto malie ke ano o nofo i Selusalemi.

Pesalemo 29:2

Kotou tuku ki le Eteleno le kololia leia e gali mo lona suafa ! Kotou atolasio ki le Eteleno i ni kofu taputapu !

Pesalemo 96:9

Kotou punou i mua o le Eteleno mo ni kofu maokioki. Kotou lulu i ona mua, koutou fuli ko le kakai o le malama nei !

Esekiele 43:12

Ko lena le lao o le fale. I le tumutumu o le mauga, e maokioki loa le ganea katoa leia e tonu ke fakatuu ai a ia. Ko lena le lao o le fale.

Mikea 5:6

E nofo loa le toega o Sakopo i loto malie o ni kakai toka api Ofaipe se sasau leia e au mei le Eteleno, Ofaipe ni motii vai i le mutie : E leaise lotou fanaki ki le tagata, E leaise lotou fakalogo ki fanau a tagata.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 19:20

Ti na asilisili mafola mo makeke le folafola a le Aliki.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Gaoi 21:20

I lalatou logo ki nea ana, na lotou fakakololia loa ki le Atua. Ti na lotou pati loa kia Paulo : E ke tio, taina, kua lau afe le kakai Sutea leia kua tui, ti e lotou tausi malie fuli ki le lao.

Gaoi 4:4

Kae na tui loa se toka api o latou ala na logo ki le folafola, ti na lau loa ki tino afe e lima le api o tagata.

Lua tosi ki le kau Kolinto 13:4

Talie na tutuki a ia ki le koluse i lona gaegae, kae e mauli a ia i le mafimafi o le Atua ; ko maua foki, e ma gagae iate ia, kae e ma mauli loa mo ia i le mafimafi o le Atua, o gaoi kia koutou.

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Lua tosi ki le kau Kolinto 8:16

Kae ke fakafetai ki le Atua, i lana tuku ki le loto o Tito le fia tokaga kia koutou ofaipe maua ;

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Uluaki tosi ki le kau Tesalonika 4:7

Talie na leaise kalagai tatou e le Atua ki le mauli fakalialia, kae ki le maokioki.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.

Tuifakamaau 5:2

Na malaga ki aluga ni pule o taki le kakai o Iselaele, Ti na loto makeke le kakai ki le tau : Ke kotou fakafetai ki le Eteleno !

Tuifakamaau 5:9

E ano loku loto ki pule o Iselaele, Kia latou ala o le kakai na loto makeke ki le tau. Ke kotou fakafetai ki le Eteleno !